hamare masayel

میراث کی تقسیم، چار لاکھ ترکہ کی تقسیم

١٩ لاکھ ترکہ کی تقسیم

چار لاکھ ترکہ کی تقسیم

سوال: السلام عليكم ورحمة اللہ وبركاتہ،  امید کہ بخیر ہوں گے! وراثت ووصيت كے تعلق سے ایک مسئلہ دریافت طلب ہے وہ یہ کہ ایک شخص کا انتقال ہوجاتا ہے ۔اور وہ اپنی وراثت میں 4 لاکھ روپئے چھوڑ جاتا ہے اس مرحوم کے ورثاء میں بیوی اور چار بیٹے اور دو بیٹیاں ہیں، اس روپئے کو تقسیم کیسے کریں گے؟ سب کو کتنا کتنا حصہ ملے گا؟

برائے مہربانی جلد از جلد جواب عنایت فرمائیں نوازش ہوگی. فقط والسلام

المستفتی: شفیع اللہ أعظمی قاسمي امام و خطیب دبئی

الجواب باسم الملهم للصدق والصواب:

وعليكم السلام و رحمة اللہ و برکاتہ،     الحمد للہ خيريت دارم وخيريت خواہم

صورت مسئولہ میں مسئلہ 80 سے بنے گا، بیوی کا دس حصہ، 4 بیٹوں کا مجموعی حصہ 56اور 2بیٹیوں کا مجموعی حصہ 14 ہوگا۔

یعنی چار لاکھ میں سے بیوی کو پچاس ہزار ، ہر لڑکے کو ستر ہزار ، اور ہر لڑکی کو پینتیس ہزار ملے گا؛ بشرطیکہ حقوق متقدمہ علی الإرث کی ادائیگی ہوچکی ہو۔ نقشہ ذیل میں ملاحظہ فرمائیں!

بيوى  35000 

لڑکا  70000

لڑکا  70000

 لڑکا  70000  

لڑکا  70000 

لڑکى 50000

لڑکى 50000

 ٹوٹل= 400000


سوال: ایک شخص کی دو بیویاں تھیں، ایک بیوی کا شوہر کی زندگی میں انتقال ہوگیا، مرحومہ بیوی کی اسی شوہر سے ایک بیٹی اور تین بیٹے ہیں جبکہ جو بیوی حیات سے ہے اسکی کوئی اولاد نہیں ہے اور اس شخص نے اپنے پیچھے چار لاکھ روپے چھوڑے ہیں، تو اس کی تقسیم کس طرح ہو گی، برائے مہربانی مسئلہ کی وضاحت فرمائیں۔

المستفتی: صبغت اللہ حنفی ممبر پاسبان علم وادب

الجواب باسم الملہم للصدق والصواب

بر تقدیر صحت سوال وبعد ادائیگئ حقوقِ متقدمہ وعدم موانع ارث مرحوم کا ترکہ آٹھ حصوں میں تقسیم ہوگا جن میں سے ایک حصّہ بیوی اور دو دو حصے تینوں لڑکوں اور ایک حصہ لڑکی کو ملے گا ، اس طرح چار لاکھ ترکہ میں سے پچاس ہزار بیوی کو ، تینوں لڑکوں میں سے ہر ایک کو ایک ایک لاکھ اور لڑکی کو پچاس ہزار روپئے ملیں گے،  نقشہ ذیل میں ملاحظہ فرمائیں۔

 بیوی    50000

 لڑکا      100000

 لڑکا      100000

لڑکا      100000

لڑکی    50000

 ٹوٹل= 400000

 

الدلائل

قال الله تعالى : ﴿يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنثَيَيْنِ﴾ (النساء :11).

﴿وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَد، فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم مِّن بَعْدِ وَصِيَّةٍ تُوصُونَ بِهَا أَوْ دَيْنٍ﴾ (النساء :12).

والله أعلم

تاريخ الرقم: 6/9/1439ه 22/5/2018م الثلاثاء

١٩ لاکھ ترکہ کی تقسیم

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Leave a Reply