Blog

(سلسلہ نمبر: 407)

اجیر کا دوسرے کو اجیر رکھنا

سوال: ہمارے ساتھ بلجیم میں کچھ مہاجرین ہیں جن کو اب تک نيشنلٹى نہیں ملى ہے اور وہ کام کاج کرنا چاہتے ہیں، تو وہ اپنے ان دوستوں کے ساتھ جن کو نيشنلٹى ملى ہے کچھ اس طرح بات کرتے ہے کہ آپ پيزا ڈلورى سے اپنے نام پر کام لے لیں، (ان کا کام کچھ اس طرح ہے کہ آپ لوگوں کے گھر پيزا آڈر پہنچائیں گے اور کمپنى آپ کو روزانہ ساٹھ ايرو يعنى ماہانہ اٹھارہ سو ايرو دے گی) اور آپ یہ کام ہمیں دے دیں ہم آڈر گھر تک پہنچائیں گے اور آپ سے سولہ سو ایرو لیں گے، اس طرح آپ کو دو سو ایرو بچ جائیں گے، تو کیا اس طرح سے کام کرنا شریعت کى رو سے جائز ہے يا نہیں؟

المستفتی: ابو حمزہ توخى، بروکسل، بلجيم۔

الجواب باسم الملھم للصدق والصواب:

ملازمت میں عموماً عمل اور شخص دونوں مقصد ہوتے ہیں، یعنی مالک یہ چاہتا ہے کہ متعین شخص ہی اس کا مقررہ کام انجام دے؛ لہٰذا مسئولہ صورت میں ملازم کا اپنی جگہ دوسرے کو مقرر کرنا مالک کی اجازت کے بغیر جائز نہ ہوگا، اگر مالک کو پوری صورتِ حال کا علم ہوجائے اور بخوشی اجازت دیدے تو پھر ایسا کرنا شرعاً جائز ہوگا۔