Blog

(سلسلہ نمبر: 405)

جمعہ کو با جماعت ظہر مکروہ تحریمی ہے

سوال: حضرات علماء کرام ومفتیان عظام! جمعہ کے دن لوگوں کا اجتماع ہے لیکن ان میں کوئی ایسا نہیں ہے جو جمعہ کی امامت کرسکے، اس حالت میں لوگ کیا کریں گے ظہر باجماعت پڑھیں یا انفرادی طور پر؟ اگر باجماعت ظہر پڑھ لئے ہوں تو کیا حکم ہے؟

المستفتی: خالد حسین قاسمی بیگو سرائے ۔

الجواب باسم الملھم للصدق والصواب:

 صورت مسئولہ میں اگر یہ لوگ ظہر جماعت سے پڑھ سکتے ہیں تو جمعہ بھی پڑھ سکتے ہیں کیونکہ ظہر اور جمعہ میں صرف خطبہ کا فرق ہے، اور اگر خطبہ یاد نہ ہو یا لکھا ہوا مہیا نہ ہو تو الحمد اللہ، سبحان اللہ،  یا لا إلہ إلا اللّٰہ خطبہ کی نیت سے پڑھ لے تو اس سے بھی خطبہ ادا ہوجاتا ہے، اگر یہ بھی نہ کرسکتے ہوں تو تنہا تنہا ظہر کی نماز پڑھیں، جماعت کے ساتھ ظہر پڑھنا مکروہ تحریمی ہے، اگر کسی نے ایسا کرلیا ہے تو فریضہ کراہت تحریمی کے ساتھ ادا ہوگیا ۔