Blog

 شبہہ سے رضاعت ثابت نہیں ہوتی

سوال: کیا فرماتے ہیں مفتیان کرام وعلماء عظام مسئلہ ذیل کے بارے میں کہ دو عورتیں اپنے بیٹے اور بیٹی کے ساتھ گرمی کے موسم میں چھت پر سو رہی تھیں، تھکن کی وجہ سے کافی گہری نیند میں سو رہی تھیں؛ اس لئے انہیں رات کی کوئی خبر نہیں، لیکن ایک عورت کا بیان ہے کہ میں نے رات میں دیکھا کہ ایک کا لڑکا دوسری کے بغل میں اور دوسری کی بیٹی پہلی کے بغل میں سو رہے تھے اور دونوں عورتوں کا پستان کھلا ہوا تھا، اس عورت نے بچوں کو دودھ پیتے ہوئے نہیں دیکھا، کیا ایسی صورت میں رضاعت ثابت ہوگی یا نہیں؟

المستفتی: محبوب عالم قاسمی عینواں، امبیڈکر نگر۔ استاذ مدرسہ اسلامیہ عربیہ بیت العلوم سرائے میر اعظم گڑھ۔

الجواب باسم الملہم للصدق والصواب:

 صورت مسئولہ میں رضاعت ثابت نہیں ہوگی؛ کیونکہ واقعہ بیان کرنے والی عورت نے دودھ پیتے ہوئے نہیں دیکھا، اگر بالفرض دیکھتی بھی تو ایک عورت کی گواہی سے شرعاً رضاعت ثابت نہیں ہوتی۔  واللہ اعلم بالصواب۔