Blog

صحت کے لئے جانور کے ذبح کی نذر ماننا اور اس کے گوشت کا حکم

سوال: ایک آدمی نے منت مانی کہ اگر ہم اس بیماری سے صحت یاب ہو جائیں گے تو ایک بکرہ ذبح کریں گے، اب اس بکرے کے گوشت کا کیا حکم ہے؟ کیا وہ خود بھی کھا سکتا ہے یا گھر والے کھا سکتے ہیں؟ جو حکم ہو وضاحت سے بیان فرمائیں، مہربانی ہوگی۔

المستفتی: مسعود احمد کھریواں، اعظم گڑھ۔

الجواب باسم الملھم للصدق والصواب:

نذر مانی ہوئی چیز کو وہی لوگ کھا سکتے ہیں، جو زکات اور صدقات واجبہ کے مستحق ہیں، خود نذر ماننے والے کے لیے اور صاحب نصاب کے لیے اُس کا کھانا جائز نہیں ہے۔

نوٹ: جانور کے ذبح کی نذر ہو تو جاتی ہے لیکن بہتر نہیں ہے اس لئے احتیاط بہتر ہے۔

بیماری سے شفا کے لئے قیمت کو پہلے ہی صدقہ کردے تو صحت کی زیادہ امید ہوتی ہے۔