معنی میں فحش غلطی نہ ہونے کی وجہ سے نماز ہوجائے گى

تراويح میں غلط پڑھی گئی آیت کا اعادہ

نماز میں لبثت فيكم عمرا من قبله کے بجائے غمرا من قبله پڑھنے کا حکم

سوال : اگر تراویح میں فقد لبثت فيكم عمرا من قبله کے بجائے غمرا من قبله پڑھ دے تو کیا نماز صحیح ہوجائے گی یا فاسد؟ نوٹ: اس آیت سے پہلے تین آیتیں پڑھی جاچکی ہے۔

المستفتی : محمد سلمان بلکھراں آنوک ممبر پاسبان علم وادب

الجواب باسم الملهم للصدق والصواب

معنی میں فحش غلطی نہ ہونے کی وجہ سے نماز ہوگئی لیکن اس آیت کا اعادہ کر لینا چاہیے تاکہ مکمل قرآن پاک پڑھنے کی سنت بھی ادا ہو جاے.

نوٹ : قرأت میں فحش غلطی کی وجہ سے جو نماز فاسد ہوتی ہے، اس میں تین آیتیں پڑھنے یا نہ پڑھنے سے حکم میں کوئی فرق نہیں پڑتا، یعنی اگر صحیح طور پر تین آیتیں پڑھنے کے بعد فحش غلطی ہوجائے، تب بھی نماز فاسد ہوجائے گی۔

الدلائل

لو زاد کلمة أو نقص حرفا أو قدمه أو بدله بآخر … لم تفسد ما لم یتغیر المعنی. (رد المحتار 1/632 کراچی).

ذکر کلمة مکان کلمة علی وجه البدل إن کانت الکلمة التي قرأها مکان کلمة یقرب معناها وهي في القرآن لا تفسد صلاته. (الفتاویٰ الهندیة: 1/80، حلبي کبیر 488 لاهور).

والله أعلم

تاريخ الرقم: 9/9/1439ه 25/5/2018 م الجمعة