نومولود کے کان میں عورت کا اذان دینا

سوال: کیا فرماتے ہیں علماء کرام درج ذیل مسئلہ کے بارے میں کہ بچے کی پیدائش کے بعد عورت اذاں دے سکتی ہے یا نہیں؟

المستفتی: ایم اے رشید سیتامڑھی۔

الجواب باسم الملھم للصدق والصواب:

نومولود کے کان میں صالح متقی مرد اذان اور اقامت کہے تو بہتر ہے لیکن اگرعورت نے اذان اور اقامت کہہ دی تووہ بھی کافی ہے۔

عورت کے لئے نماز کی اذان دینا مکروہ ہے کیونکہ اس میں آواز کو بلند کرنا پڑتا ہے چونکہ بچے کے کان میں اذان بلند آواز سے نہیں دی جاتی اس لئے کراہت کا سبب نہیں پایا جاتا ہے۔ (مستفاد: فتاویٰ محمودیہ ڈابھیل 5/455، میرٹھ 9/160).

الدلائل

وأذان المرأة، لأنها إن خفضت صوتها أخلت بالأعلام وإن رفعته ارتکبت معصیة لأنه عورة. تحته في حاشیة الطحطاوي ’’أنه عورة‘‘ ضعیف والمعتمد أنه فتنة. (حاشیة الطحطاوي علی المراقی، دار الکتاب دیوبند ص: 199، شامی زکریا 2/78، کراچی 1/406)

والله أعلم

تاريخ الرقم: 7- 7- 1441ھ 3- 3- 2020م الثلثاء.

المصدر: آن لائن إسلام.