Blog

 (سلسلہ نمبر: 706)

وراثت کا تعلق مورث کی موت پر ہوگا

سوال: کیا فرماتے ہیں علمائے کرام و مفتیان کرام مسٔلہ ذیل کے بارے میں زید اپنی بیوی ہندہ کے نام سے دو پراپرٹی خریدی جو ہندہ کے نام سے ہی ہے ہندہ اور زید دونوں صاحب اولاد بھی ہیں دو لڑکا اور دو لڑکی ہے۔

ہندہ اپنے شوہر زید اور چاروں بچوں کو چھوڑ کر کسی غیر کے ساتھ بھاگ گئی ہے اور دوسری شادی کرلی ہے، حالانکہ زید نے ہندہ کو ابھی تک طلاق نہیں دیا ہے۔

اس صورت میں زید نے جو ہندہ کے نام سے پراپرٹی خریدی تھی اس میں زید کا شوہری حق کیا ہوگا اور چاروں بچوں کا ہوگا یا نہیں؟ اگر ہوگا تو کس کو کتنا حصہ ہوگا؟ جواب دیکر شکریہ کا موقع دیں نوازش ہوگی فقط والسلام۔

المستفتی: سید نوید، بنگلور، کرناٹک۔

الجواب باسم الملھم للصدق والصواب: وراثت مورث کے مرنے کے بعد ثابت ہوتی ہے، اس لئے جب زید نے پراپرٹی اپنی بیوی کو ہبہ کردیا تھا اور ابھی وہ زندہ ہے تو اس میں کسی کا کوئی حق نہیں ہے؛ زید نے چونکہ ابھی اپنی بیوی کو طلاق نہیں دیا ہے اس لئے دوسرے کا اس سے نکاح کرنا کسی طرح درست نہیں اور ساتھ رہنا حرام کاری ہے؛ اس لئے فوراً علیحدگی اختیار کرے اور اللہ تعالیٰ سے خوب توبہ واستغفار کرے۔