Blog

حضرت ابو موسی سے جو روایت ہے اسکا ترجمہ وہی ہے جو حضرت ابوبکر صدیق کی روایت کا ہے۔

اسکے علاوہ اور بہت ساری روایات احادیث کی کتابوں میں ملتی ہیں انکا مطلب وہی ہے جو اوپر کی احادیث میں آیا ہے۔

مطلب اوپر بیان کردہ احادیث اگر چہ ان میں سے اکثر کی سندیں کمزور ہیں لیکن صحابہ کرام سے مروی ہیں اور ایک دوسرے سے مل کر شبِ براٸت کی فضیلت کو ثابت کرنے کے لۓ کافی ہیں۔

شبِ براٸت میں عبادت کی تاریخ

جیسا کہ آپ جان چکے ہیں کہ یہ رات فضیلت والی ہے اس رات میں صحابہ کرام اور تابعین سے عبادت کرنا ثابت ہے وہ حضرات بھی اس رات میں عبادت کرتے تھے تو ہمیں بھی اس رات کا فاٸدہ اٹھانا چاہۓ اور اللہ تعالی کی خوب عبادت کرنی چاہۓ تاکہ اللہ تعالی ہمیں معاف کردیں ۔ اتنی بات ضرور ہے کہ اس رات کے لۓ کوٸ عبادت خاص نہیں ہے جس کا دل چاہے قرآن شریف کی تلاوت کرے جسکا دل چاہے نفل نماز پڑھے ۔ اگر کوٸ یہ کہتا ہے کہ اس طرح سے عبادت کرنے یا یہ یہ پڑھنے میں زیادہ ثواب ہے تو وہ بلکل غلط کہتا ہے یہ ایک بے بنیاد بات ہے ۔

شبِ براٸت میں قبرستان جانا

حضرت عاٸشہ صدیقہؓ کی روایت ہے

کہ ایک رات میں نے نبی ﷺ کو اپنے بستر پر نہیں پایا تو میں آپکی تلاش میں نکل پڑی آپ جنة البقیع میں تشریف فرما تھے مجھے دیکھ کر آپنے فرمایا اے عاٸشہ کیا تمھیں اس بات کا ڈر ہے کہ اللہ اور اسکے رسول تم پر ظلم کریں گے میں نے کہا نہیں اے اللہ کے رسولﷺ مجھے لگا کہ آپ مجھے چھوڑ کر اپنی کسی دوسری بیوی کے پاس چلے گۓ ہیں۔ آپ ﷺ نے فرمایا کہ پندرھویں شعبان کی رات میں اللہ تعالی دنیاوی آسمان پر آتے ہیں اور بکری کے بالوں سے زیادہ لوگوں کی مغفرت فرماتے ہیں۔

جیسا کہ حدیث شریف سے معلوم ہوتا ہے کہ آپ ﷺ پندرھویں شعبان کی رات میں جنة البقیع گۓ تھے تو اس لۓ بہت سارے لوگ اس رات میں قبرستان جانے کا اہتمام کرنے لگے ہیں لیکن انکو یہ بات معلوم ہونی چاہۓ کہ اللہ کے نبی ﷺ ساری زندگی میں صرف ایک بار ہی قبرستان تشریف لے گۓ تھے اس لۓ ایک دو بار جانے میں کوٸ حرج نہیں ہے لیکن ہر شبِ براٸت میں قبرستان جانا اور جانے کو ضروری سمجھنا اور شبِ براٸت کا ایک حصہ ماننا یہ بات احادیث سے ثابت نہیں ہے ۔ ایک نامناسب بات ہے بدعت ہے ۔

پندرھویں شعبان کا روزہ

پندرھویں شعبان کو روزہ رکھنے کے بارے میں صرف ایک روایت حضرت علی کی ملتی ہے کہ پندرھویں شعبان کو روزہ رکھو اور وہ بھی ضعیف ہے جسکو ہم اوپر بیان کر چکے ہیں ۔ اس روایت کو بنیاد بناکر پندرھویں شعبان کے روزے کو سنت یا مستحب سمجھ کر رکھنا کچھ علما۶ کے نزدیک صحیح نہیں ہے۔

رہی بات پندرھویں شعبان کی رات میں جاگنا اور عبادت کرنا تو اس بارے میں بہت سی احادیث حدیثوں کی کتابوں میں ملتی ہیں جن میں سے کچھ کو ہم اوپر لکھ چکے ہیں ۔ جن سے معلوم ہوتا ہے کہ اس رات میں جاگنا اور عبادت کرنا ثواب کا کام ہے۔

اس لۓ اگر کوٸ سنت یا مستحب سمجھ کر اس دن کا روزہ نہ رکھے بلکہ ایسے ہی روزہ رکھ لے تو کوٸ مضاٸقہ نہیں ہے ۔ ٢٨ اور ٢٩ شعبان کو چھوڑ کر پورے شعبان کا روزہ رکھنا سنت ہے احادیث میں اسکی بڑی فضیلت آٸ ہے۔

حوالہ

(1) سنن ابنِ ماجہ حدیث نمبر ١٣٨٨ فضاٸل اوقات امام بیہقی حدیث نمبر ٢٢ ۔

(2) مسند احمد حدیث نمبر ٦٦٤٢۔

(3) السنن امام ابنِ ابی آسام حدیث نمبر ٥٠٩ ۔

(4) السنن امام ابنِ ابی آسام حدیث نمبر ٥١٠ ۔

سنن ترمزی حدیث نمبر ٧٣٩ ۔