Blog

(سلسلہ نمبر: 749)

 حج بدل میں قربانی کس کے نام سے ہوگی

سوال: ایک صاحب اپنے والد محترم کے نام حج بدل کر رہے ہیں اور آن لاٸن فارم بھر رہے ہیں، ساری چیزیں ہوگٸیں ہیں، اب صرف آخری قسط کا فارم بھرا جارہا ہے تو سوال یہ ہے کہ قربانی کے کالم میں جو رقم جمع ہورہی ہے وہ تو جو صاحب جا رہے ہیں انکے نام سے رقم جمع ہو رہی ہے؛ جبکہ قربانی بھی ان کے والد محترم کے نام سے جمع ہونی چاہٸے، تو ان سب کا کیا نظام اور مسٸلہ ہے؟ برائے مہربانی مطلع فرماٸیں۔

المستفتی: صلاح الدین ندوی، جلپا پور نیپال۔

الجواب باسم الملہم للصدق والصواب: حج بدل میں اگر تمتع یا قران کرے تو قربانی جو شخص حج کرنے گیا ہے اسی کے نام سے ہوگی، جس کی طرف سے حج کیا جاتا ہے اس کے نام سے نہیں ہوگی، اس لئے قربانی کی رقم اگر حج بدل کرنے والے کے نام سے جمع ہورہی ہے تو کوئی حرج کی بات نہیں ہے۔