خطبہ عیدین میں تکبیر کا حکم

(سلسلہ نمبر: 339)

خطبہ عیدین میں تکبیر کا حکم

سوال: عیدین کے خطبہ میں تکبیر کی کیا حیثیت ہے؟ اگر کوئی شخص بغیر تکبیر جمعہ کے خطبہ کی طرح خطبہ دیدے تو کیا ادائیگی ہوجائے گی؟ یا دوبارہ تکبیرات کے ساتھ خطبہ دینا ہوگا؟ مسئلہ کی وضاحت فرما کر مشکور ہوں۔

المستفتی: محمد عبد اللہ اعظمی۔

الجواب باسم الملھم للصدق والصواب:

عیدین کے خطبہ میں پہلے خطبہ کے شروع میں مسلسل نو مرتبہ اللہ اکبر اور اس کے بعد ایک مرتبہ تکبیر تشریق، اور دوسرے کے شروع میں سات مرتبہ اللہ اکبر اور اس کے بعد ایک مرتبہ تکبیر تشریق، اور آخر میں چودہ مرتبہ تکبیر (اللہ اکبر) پڑھنا مستحب ہے. اسی طرح بعض جملوں کے بعد تکبیر تشریق پڑھنا چاہئیے لیکن اتنا زیادہ نہ پڑھیں کہ خطبہ سے زیادہ تکبیرات ہوجائیں۔

لیکن دونوں خطبوں کے شروع میں تکبیر واجب اور ضروری نہیں اس لئے اگر کوئی خطبہ جمعہ کی طرح بلا تکبیر کے خطبہ دیدے تو ادائیگی ہوجائے گی، اعادہ کی ضرورت نہیں، ضروری سمجھ کر اگر اعادہ کرایا گیا تو مکروہ تحریمی ہوگا. (مستفاد: فتاوی محمودیہ ڈابھیل8/452، کتاب النوازل17/ 306).

الدلائل

ویبدأ بالتکبیر في خطبۃ العیدین، ویستحب أن یستفتح الأولیٰ بتسع تکبیرات، والثانیۃ بسبع وأن یکبر قبل نزولہ من المنبر أربع عشرۃ الخ۔ (تنویر الأبصار مع الرد، کتاب الصلاۃ، باب صلاۃ العیدین نعمانیہ 1/561، کراچي 2/175، زکریا3/58، ہندیۃ، الباب السابع عشر في صلاۃ العیدین، زکریا قدیم1/150، زکریا جدید1/212 ).

الجہلۃ یعتقدونہا سنۃ أو واجبۃ، وکل مباح یؤدي إلیہ فمکروہ. تحتہ في الشامیہ: الظاہر أنہا تحریمیۃ؛ لأنہ یدخل في الدین مالیس منہ۔ (شامي، کتاب الصلاۃ، قبیل باب صلاۃ المسافر، زکریا 2/598، کراچي 2/120).

وقال في الخانیۃ: إنہ لیس للتکبیر عدد في ظاہر الروایۃ؛ لکن ینبغي أن لا یکون أکثر الخطبۃ التکبیر، ویکبر في الأضحیٰ أکثر من الفطر۔ (شامي 3/58 زکریا).

قال الشافعي: أخبرني من أثق بہ من أہل العلم من أہل المدینۃ، قال: أخبرني من سمع عمر بن العزیزؒ وہو خلیفۃ یوم فطر فظہر علی المنبر، فسلم ثم جلس، ثم قال: إن شعایر ہٰذا الیوم التکبیر والتحمید ثم کبر مرارًا: اللّٰہ أکبر، اللّٰہ أکبر، اللّٰہ أکبر، وللّٰہ الحمد، تشہد للخطبۃ ثم فصل بین التشہد بتکبیرۃٍ. (إعلاء السنن 8/132 کراچی).

والله أعلم

حرره العبد محمد شاکر نثار المدني القاسمي غفر له أستاذ الحديث والفقه بالمدرسة الإسلامية العربية بيت العلوم سرائمير اعظم جره الهند.

28- 9- 1441ھ 22- 5- 2020م الجمعة.

المصدر: آن لائن إسلام.