Blog

(سلسلہ نمبر: 652)

لاک ڈاؤن میں کم تنخواہ دینا

سوال: ایک مسجد ہے جس کے تحت دینیات مکتب ہے اور ابھی لاک ڈاؤن کے حالات میں معلمین گھر پر ہیں اور آن لائن کچھ طلباء جڑ جاتے ہیں تو معلمین انھیں پڑھاتے ہیں اور جو فیس آتی ہے اس کو معلمین میں  پانچ پانچ ہزار تقسیم کی جاتی ہے جبکہ معلمین میں سے کسی کی تنخواہ دس  ہزار ہے کسی کی تنخواہ تیرہ ہزار ہے کسی کی  پندرہ اور جتنی فیس آتی ہے اس کو ان کے درمیان تقسیم کر دی جاتی ہے اس کے علاوہ  مکتب میں کوئی اور پیسہ نہیں ہے کیا یہ درست ہے؟ برائے کرم قرآن وحدیث کی روشنی میں جواب مرحمت فرمائیں۔

المستفتی:  آفاق احمد خان کوپر کھیرنہ، ممبئی۔

الجواب باسم الملھم للصدق والصواب: موجودہ صورتحال میں اگر مدرسین کو پہلے سے اس کی اطلاع کردی گئی ہے اور وہ اس پر رضامند ہیں تو اتنی دینا جائز ہے ورنہ پوری تنخواہ دینا ضروری ہے۔