کوئی عورت حج یا عمرے پر تنہا آئے، بلا محرم حج وعمرہ

بلا محرم عورت كا حج وعمرہ كرنا

سوال: اگر کوئی عورت حج یا عمرے پر تنہا آئے تو کیسا ہے؟

المستفتی : محمد أزور ممبر پاسبان علم و ادب

الجواب باسم الملهم للصدق والصواب

بوڑھی عورتوں کے علاوہ عام عورتوں کو بلا محرم حج وعمرہ پر جانا درست نہیں ہے، حدیث پاک میں صراحت کے ساتھ اس سے منع فرمایا گیا ہے؛ لیکن اس کے باوجود کوئی عورت بلا محرم حج یا عمرہ پر چلی جائے تو حج یا عمرہ ادا تو ہو جائے گا لیکن مکروہ تحریمی ہوگا۔

نوٹ : عورتوں پر بلا محرم حج فرض نہیں اس لیے غیر فرض کی ادائیگی کے لئے حرام کا ارتکاب کرنا کوئی عقلمندی نہیں، اللہ ہر ایک کو دین کی سمجھ عنایت فرمائیں!

الدلائل

عن أبي سعید الخدري رضي الله عنه قال رسول الله صلی اللّٰه علیه وسلم : لا یحل لامرأة تؤمن بالله والیوم الآخر أن تسافر سفرا یکون ثلاثة أیام فصاعدا، إلا ومعها أبوها، أو ابنها، أو زوجها، أو أخوها، أو ذو محرم منها. (صحیح مسلم، الحج/ باب سفر المرأة مع محرم إلی حج وغیره، رقم الحديث: 1340).

ولو حجت بلا محرم جاز مع الکراهة، وتحته في الشامیة مع الکراهة، أي التحریمیة للنهي في حدیث الصحیحین: لا تسافر امرأة ثلاثا إلا ومعها محرم، زاد مسلم في روایة: أو زوج. (رد المحتار، 3/465، زکریا، غنیة الناسک، قدیم 12، جدید کراچی 29).

والله أعلم

تاريخ الرقم: 2/9/1439ه 18/5/2018م الجمعة