Blog

(سلسلہ نمبر: 378)

تین مرتبہ “چھوڑ دی” كا لفظ بولنے سے طلاق مغلظہ

سوال: کیا فرماتے ہیں علمائے کرام مفتیان عظام  ذیل کے بارے میں:

بیوی اور شوہر کی لڑائی چل رہی تھی، اس دوران بیوی نے کہا تو مجھے چھوڑ دے، طلاق دیدے، تو شوہر نے کہا جا چھوڑ دی، جا چھوڑ دی۔

اس کے بعد لوگ اکٹھا ہوگئے پھر بیوی نے شوہر کا گریبان پکڑ کر کہا ایسے نہیں، ایسے کہہ: میں نے چھوڑی میرے خدا نے چھوڑی۔

شوہر گھبرایا ہوا تھا ہوپلیس ہورہا تھا، طلاق دینا نہیں چاہتا تھا مگر جب بیوی نے کہا تو جواب میں دو بار کہہ دیا میں نے چھوڑی، میرے خدا نے چھوڑی۔ايسى صورت ميں كون سى طلاق واقع ہوگى؟

المستفتی: محمد اکرم، خیر نگر، میرٹھ شہر۔

الجواب باسم الملھم للصدق والصواب:

 لفظ ’’چھوڑ دی‘‘ کثرت استعمال کی وجہ سے صریح کے حکم میں ہے، اس سے طلاق رجعی واقع ہوتی ہے، مذکورہ شخص نے تین مرتبہ یہ جملہ کہا ہے اس لئے تینوں طلاق پڑ گئی ہیں، اب بلا حلالہ شرعیہ اس عورت کے ساتھ اس شخص کا نکاح نہیں ہوسکتا۔