Blog

(سلسلہ نمبر: 782)

حالت حیض میں عمرہ کا طواف کرنا

سوال: ایک عورت نے عمرہ کا احرام باندھا اور مکہ مکرمہ پہنچتے ہی اسے حیض آگیا، اس نے شرم اور مسئلہ سے ناواقفیت کی وجہ سے حالت حیض ہی میں طواف کرلیا، اس عورت کے بارے میں شرعی حکم کیا ہے؟

الجواب باسم الملہم للصدق والصواب: ناپاکی کی حالت میں طواف کرنا حرام ہے اور اس کی وجہ سے ایک دم واجب ہوتا ہے لہذا وہ عورت اپنے اس فعل پر توبہ واستغفار کرے، اور ایک دم بھی حدود حرم میں ذبح کرائے، ہاں اگر وہ عورت ابھی مکہ مکرمہ میں موجود ہو اور عمرہ کے طواف کا پاکی کی حالت میں اعادہ کرلے تو دم ساقط ہو جائے گا۔