Blog

(سلسلہ نمبر: 769)

حج کے لئے رکھے مال پر زکوٰۃ کا حکم

سوال: ایک صاحب نے پشتینی زمین کو بیچا، اور اس سے حاصل شدہ رقم سے چار لوگوں کےنام سے حج بدل کرانے کے لئے رقم مختص کر کے بینک میں جمع کردی، کوئی معقول آدمی نہ ملنے کی وجہ سے ابھی تک وہ رقم بینک ہی میں ہے، تقریبا تین سال کا عرصہ بیت چکا ہے اور اس رقم سےحج ہی کرانے کا پختہ ارادہ اب بھی ہے۔

معلوم یہ کرنا ہے کہ اس رقم پر جو حج بدل کی نیت سے رکھی ہوئی ہے زکات دینی ہوگی کہ نہیں؟ اور اگر دینی ہے تو کس پرواجب ہوگی؟ قرآن وحدیث کی روشنی میں مدلل جواب مرحمت فرمائیں مشکور ہوں گا۔

المستفتی: عامر عزیز سلطانپور۔

الجواب باسم الملہم للصدق والصواب: جو رقم حج کی نیت سے رکھی ہوئی ہے، ابھی حج کمیٹی وغیرہ کے حوالے نہیں کی گئی ہے اس پر سال گزرنے کے بعد زکوٰۃ واجب ہوگی؛ لہذا اس پشتینی زمین کے جو ورثاء ہیں اگر وہ اس رقم کے ساتھ صاحب نصاب ہیں تو ان سب کو اپنے اپنے حصے کے بقدر مال کی زکوٰۃ ادا کرنی ہوگی۔