Blog

(سلسلہ نمبر: 513)

وقت سے پہلے سنت مؤکدہ کا اعتبار نہیں

سوال: کیا فرماتے ہیں علماء اسلام اس مسئلہ کے بارے میں کہ مدینہ منورہ اور اسی طرح مکہ مکرمہ میں جمعہ کی پہلی اذان ظہر کے وقت کے شروع ہونے سے تقریباً بیس منٹ پہلے ہوجاتی ہے تو آیا ما قبل الجمعة چار سنت جو کہ عند الاحناف مؤکدہ ہیں اس اذان کے فوراً بعد پڑھ لی جائیں یا ان کو مؤخر کر کے بعد میں پڑھا جائے؟ براہ مہربانی جواب عنایت فرماکر ممنون فرمائیں۔

 المستفتی: افتخار حسین عبیدی مدینہ منورہ۔

الجواب باسم الملھم للصدق والصواب: نماز کا وقت داخل ہونے سے پہلے اس کی سنت مؤکدہ پڑھنا صحیح نہیں ہے، اس لئے اگر جمعہ کی اذان اول وقت سے پہلے ہوتی ہو اور وقت داخل ہونے کے بعد خطبہ سے پہلے اتنا وقت نہ ملتا ہو  جس میں چار رکعت سنت مؤکدہ پڑھی جاسکتی ہو تو ان سنتوں کو فرض کے بعد ادا کرنا چاہئے۔

 فرض کے بعد بہتر ہے کہ پہلے بعد والی سنتیں ادا کریں، پھر پہلے والی سنتیں، اور اگر اس کے بر عکس کرلیں تب بھی کوئی حرج نہیں ہے۔