Pareshani Ka Hal In Quran

Pareshani Ka Hal In Quran/ In Hindi/ Urdu

Quran Pak pura ka pura logon ki hidayat aur un ko sahi rasta batane ke liye aaya hai, us ka ek ek word sachcha hai, all world me is jaisi koyi book na pahle thi aur na qayamat tat aaye ge, yah pura ka pura save aur mahfooz hain, is ke kisi bhi word me koyi interfere nahi kar sakta, us ke hifazat ki zimmedari khud allah tala ne le rakhkhi hai, aur jis cheez ki hifazat ki zemmedari khud all world ke malik ne le rakhkhi ho us me koyi aadmi changing kaise kar sakta hai.

Quran Pak Me Har Pareshani Ka Hal Hai

Quran Pak jahan par hame life guzarne ke method ke bare me bata hai wahin par hum ko hamari pareshani ke hal ke tarike ke bare me bhi batata hai, allah tala to wait karte rahte hain ki mere bande mujh se apni pareshani share karen taki mai uk ki pareshani door karun, allah tala Quran Pak me farmate hai: “Ai nabi jab aap se mere bande mere bare me sawal karen, aur apni pareshani batayen to aap un se kah den ki: mai to un se bilkul qareeb hun, agar pareshani aur musibat me mujhe koyi bulata hai to mai us dua zarur sunta hun”. (Sure Baqrah: 186)

 

waise to alhamdu lillah pura Quran hi musibat se nijaat aur barkat ka zaria hai, us ki tilawat se dil ko sukoon milta hai, ghar me barkat hoti hai, shaitan aur jinnaat ghar se bhaag jate hain, us ke bawajood hum aap ko is article me kuchh khaas khaas dua ke bare me batayen ge jo Quran Pak me aayi hain.

Pareshani Ke Hal Se Related Ek Important Cheez

Bahut sare logon ko yah shikayat aur problem hoti hai ki wah dua mangte hain but unki dua qabool nahi hoti hai, us ka only one reason yah hai ki hum dil se dua nahi karte, ya hamara us dua par bharosa nahi hota, dil se yah sochte rahte hain hain ki kya really is dua se mera faida hoga?

 

 To friends! yaad rakhiye jab tak hum dil se dua nahi karen ge to hum chahe apni puri life dua karte rahen hamari dua qabool nahi hogi, aur agar hum dil se full confidence ke sath dua karen ge to inshaallah hamari har dua zarur qabool ho gi, kyun ki allah tala hamare face aur hamari shakal o surat ko nahi dekhta balki wah hamari niyat aur hamare works ko dekhta hai.

Pareshani Ka Wazifa In Quran

Agar kisi aadmi par har waqt koyi na koyi musibat aur preshani aati rahhti ho, us ke liye bilkul simple aur aur aasan Dua Quran ki surat Sure Fatiha, yani Alhamdu, Qul Huwallahu Ahad, Qul Aauzu Birabbil Falaq, Qul Aauzu Birabbin Naas dil se baar baar padhna chahiye, yah bahut aasan hai har musalman ko aksar yaad hoti hai.

Sure Fatiha ki fazilat se related hum ne ek alag article likha hai, jis bande ko us ki fazilat aur us ka faida maloom karna ho wah is article par click kare.

Musibat Aur Preshani Ke Liye Ek Aur Dua

{رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ} [البقرة: 286]

 

Yah dua bahut important Dua hai, is ko bhi preshani me Har Namaz ke baad 7 baar  padhni chahiye, agar kisi bande Arabic nahi janta koyi baat nahi hum is ko english word me write kar de rahe hain:

 

This dua in English words: RABBANA LA TUAKHIZNA IN NASINA AU AKHTANA, RABBANA WLA TAHMIL  ALAINA ISRAN KAMA HAMALTAHU ALALL LAZEENA MIN QABLINA, RABBANA W LA HUHAMMILNA MALA TAQATA LANA BIHI, WAFU ANNA. WAGHFIR LANA. WARHAMNA, ANTA MAULANA, FANSURNA ALAL QAUMIL KAFIREEN  [Sure Baqarah: 286]

 

Translation In Hindi: Ai allah tu hum ko preshani aur musibat me na daal beshak hum gunaagar hain, hum se galti huyi hai, ai hamare rab hum ko us tarah imtihan aur aazmayish me na daal jis tarah  tu ne pichhli ummaton ko dala tha, ai hamare rab hum ko utni preshani me na daal jis ko hum bardasht na kar saken, ai hamare rab hum ko maaf kar de, hum ko bakhsh de, hum par raham kar, aur kafireen ke khilaf hamari help kar.

Hazrat Unus (A S) Ki Musibat Ki Dua

Quran pak me musibat ke waqt ki ek aur behtaren dua hai, yah dua  Hazrat Unus Alaihis salm ne allah tala se us waqt kia tha jab wah beech samandar me fish ke pet me chale gaye the, allah tala ke elawa koyi un ko bachane wala nahi tha, lekin unhon ne dil se allah tala se dua ki aur allah ne un ki dua ko qabool kar ke fish ko order dia ki wah mere bande ko samandar ke kinare par chhor aaye, fish ne allah ka hukm maan kar un ko samandar ke kinare par chhor aayi aur Hazrat Unus (A S) bach gaye, us dua ke word Quran pak me Is tarah hain:

{لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ} [الأنبياء: 87]

This Dua In English Words: LA ILAHA ILLA ANTA SUBHANAKA INNI KUNTU MINAZZALIMEEN

Translation: Ai mere rab tere elawa koyi ibadat ke layeq nahi, teri zaat pak hai, beshak mai gunaagar hun. [Sure Ambia: 87]

Is dua ko agar musibat ke waqt sachche dil se padha jaye to inshallah allah tala musibat ko zarur door karen ge.

Musibat Aur Pareshani Ka Dosra Wazifa

Har Tarah Ki Musibat Aur Pareshani ke yah wazifa bahut behtareen hai:

حَسْبُنَا اللَّهُ وَنِعْمَ الْوَكِيلُ، وَنِعْمَ المَولَى وَنِعْمَ النَصِيْر

In English Word: HASBUNALLAHU W NIMAL WAKEEL, W NIMAL MAULA W NIMANNASEER

Translation: Allah hamare liye kafi hai, aur wah behtareen wakeel hai, wah sab se behtar sahara dene wala hai, aur sab se achchha madadgaar hai.

Is Wazife Ka Tarika

Har Roz Fajr ki namaz ke baad is dua ko pabandi ke pdhen, inshaallah har tarah ki musibat se nijaat mil jaye gi, hamare bade buzurg is dua ko bahut ahmiyat dete the, aur poochhne wale ko yah wazifa zarur batate the.

Musibat Se Nijaat Ke Liye Ek Aur Wazifa

Sure Liyilaafi Quraishin 70, baar, aur YA SALAMU 100, baar daily parhe, is se har tarah ki musibat se nijaat mile gi

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

This Post Has 2 Comments

  1. shaikh mohammad imran

    assalamw alukum it too good.

  2. Almaas

    Assalamualaikum mashallah bhetarin hai sabkuch asani sekhneko Mila hai aur Apko Allha tala Apki Har duwa qabool kare sabkuch Acha ho Apku aur jin ko kuch patha nhi hai tho yhan par asani Se samj kar aur Sikh jainge Shukriya aur Apki translations aur sabkuch asan Se malum karsakthe hai
    KhudaHafiz

Leave a Reply