Blog

(سلسلہ نمبر: 555)

بلا ضرورت دوسرے کے لڑکے کو دودھ نہیں پلانا چاہئے

  سوال: کیا فرماتے ہیں مفتیان کرام مندرجہ ذیل مسئلہ کے بارے میں کہ ایک عورت جس کو اب تک کوئی بچہ نہیں ہے وہ ایک بچے کو گود لینا چاہتی ہیں، تو دوائی کے ذریعہ سے اگر وہ اپنے آپ کو اس قابل بنالے کہ وہ دودھ والی ہو جائے تو کیا یہ دودھ بچے کو پلا دے تو  اس سے رضاعت ثابت ہو جائے گی؟ اور کیا اس طرح کی دوائی استعمال کر سکتی ہے؟ جواب دیکر شکریہ کا موقع عنایت فرمائیں۔

المستفتی: بشیر احمد۔

الجواب باسم الملھم للصدق والصواب: بلا سخت مجبوری کے کسی عورت کو دوسرے کے بچے کو دودھ نہیں پلانا چاہئے، اس لئے اس عورت کو دودھ پیدا کرنے کے لئے دوا کا استعمال مناسب نہیں ہے، پھر بھی اگر دوا کے استعمال سے دودھ اتر آئے اور لڑکا مدت رضاعت میں دودھ پی لے تو رضاعت ثابت ہوئے گی۔