Blog

 (سلسلہ نمبر: 740)

مسجد میں آدھار کارڈ بنانا

سوال: کیا مسجد کو آدھار کارڈ وغیرہ بنانے، درست کرانے کیلئے استعمال کیا جاسکتا ہے؟ آدھار کارڈ درست کرنے والے عملہ کو مسجد کے حرم میں بٹھا کر ان کے ذریعے تمام لوگوں کا آدھار کارڈ وغیرہ درست کرانا کیسا ہے؟ بینوا وتوجروا۔

المستفتی: شیخ محمد خالد، ایڈمن پاسبان علم وادب۔

الجواب باسم الملہم للصدق والصواب: مسجد اللہ کا گھر ہے اور ہماری مقدس عبادت گاہ ہے۔ یہ اللہ کا ذکر کرنے اور پنج وقتہ نماز پڑھنے کے لیے بنائی گئی ہے، اس لئے مسجد شرعی کی حدود میں شور وغل کرنا، اور کسی طرح کا دنیاوی کام کرنا درست نہیں ہے۔

آدھار کارڈ چونکہ سب کے لئے ہوتا ہے اس لئے اگر اس کو مسجد میں بنایا جائے تو ناپاک لوگ بھی مسجد میں آسکتے ہیں جس کی شرعاً اجازت نہیں ہے، اس لئے ایسے کاموں سے مسجد کو پاک رکھا جائے۔