Blog

نماز میں عمل قلیل وکثیر کا حکم

سوال: نماز میں امام کا مائک تک اپنی آواز پہنچانے کی غرض سےقیام، رکوع وسجود کے وقت قدم بڑھاکر آگے پیچھے ہونا کہاں تک درست ہے؟ اس طرح کی حرکت سے کیا نماز بغیر نقص کے مکمل ہوجاتی ہے؟

المستفتی محمد خطیب أعظمی ممبر پاسبان علم وادب

 الجواب باسم الملهم للصدق والصواب

 نماز عمل کثیر سے فاسد ہوجاتی ہے اور عمل قلیل سے فاسد نہیں ہوتی، عام طور پر عمل کثیر وقلیل کی مندرجہ ذیل تین تعریفیں کی گئی ہیں:

(1) نمازی کو دور سے دیکھنے والا دیکھ کر یہ سمجھے کہ نماز میں نہیں ہے تو یہ عمل کثیر ہے، اگر شک کرے تو عمل قلیل ہے۔

(2) عمل کثیر اسے بھی کہا جاتا ہے کہ جس میں دونوں ہاتھوں کا استعمال کرنا پڑتا ہے، اور اگر ایک ہاتھ کا استعمال ہو تو قلیل ہے۔

(3) نماز پڑھنے والا جس کو کثیر سمجھے وہ کثیر ہے، جس کو قلیل سمجھے وہ قلیل ہے۔

ان تينوں میں پہلا قول راجح ہے۔

مندرجہ بالا تفصیل سے معلوم ہوا کہ رکوع وسجدہ کے وقت مائک سے قریب ہونا عمل کثیر نہیں ہے اس لئے نماز درست ہوجائے گی، پھر بھی بلا وجہ نماز میں ایسی حرکت نہیں کرنا چاہیئے؛ بلکہ حتی الامکان سکون واطمینان سے نماز پڑھنی چاہیے۔