namaz-ki-niyyat

Namaz Parhne Ka Tarika in Hindi Urdu

Musalman Hone ke baad ek muslim aadmi ke liye namaz bahut zaruri hai, Namaz kisi bhi halat me maaf nahi hai, aadmi khare ho kar namaz nahi parh sakta to baith kar parhe, agar bimari ki wajah baith nahi sakta to lete lete parhe, agar let kar bhi nai parh sakta to sar aur aankh ke ishaare se parhe, Quran shareef me jagah jagah allah tala ne namaz ka order diya hai, namaz hamare Nabi salallahu alaihi wasallm ki sab se achhi cheez thi, yeh aap ke aankhon ki thandak thi, namaz behayaayi aur buri baaton se rokti bhi hai, namaz parhne wala aadmi saaf suthra rahta hai.

Namaz Ka Tarika:

Namaz se pahle aadmi ka paak saaf hona zaruri hai, us ke baad khoob achhi tarah se wazu kare, phir “Qibla” ki taraf rukh kar ke khara ho jaye, phir jo namaz parhni hai dil se us ki niyyat kare ki: “mai fajr ki namaz parh raha hun ya zuhr ki”, us ke baad dono hath kaanon tak uthaye, aur “Allahu Akbar”  kahte huye donon hath naff ke niche bandh le, isi ko “Takbir e tahrima” kahte hain.Takbir-e-Tahrima

Right hand left hand ke upar, aur nigaah “Sajda” ki jagah par rakhhe,  isi ko “Qayam” kahte hain.

Aurat apne hath ko kanon tak uthane ke bajay apne kandhon tak uthaye aur apne seene par bandh le.

Qayam

 

Us ke badd aahista aahisa “Sana” parhe:

.سُبْحَانَكَ اللهُمَّ وَبِحَمْدِكَ، تَبَارَكَ اسْمُكَ، وَتَعَالَى جَدُّكَ، وَلَا إِلَهَ غَيْرُكَ

“SUBHANAKA ALLA HUMMA W BIHAMDIKA, W TABARAKA ISMUKA, W TAALA JADDUKA, W LA ILAHA GHIRURUK”

Us ke baad “Taauuz, Tasmiyah” أٌعُوذُ بِاللهِ مِنَ الشَّيطَانِ الرَّجِيمِ بسم الله الرحمنِ الرَّحِيمِ

AAUZU BILLAHI MINASHSHITANIR RAJEEM, BISMILLAHIR RAHMANIR RAHEEM

 parh kar “Soore Fatiha” yani “Alhamdu” parhe

 

sure-fatiha
Sure Fatiha

Sure Fatiha Hindi Me

“ALHAMDU LIIAHI RABBIL AALMEEN. ARRAHMAANIR RAHEEM. MALIKI YAWMIDDIN. IYYAKA NAABUDU WAIYYAAKA NASATYEEN. IHDINASSIRAATAL MUSATQEEM. SIRATAL LAZEENA ANAMTA ALAIHIM, GHAIRIL MAGHZOOBI ALAIHIM WALAZZUAALEEN.”

parh kar aahista se “Aameen” kahe,  us ke baad koyi surat parhe jaise:

sure-ikhlaas
Sure Ikhlas

Sure Ikhlas Hindi me

“QUL HUWAL LAHU AHAD. ALLAHUS SAMAD. LAM YALID WA LAM YULAD. WALAM YAKUL LAHU KUFUWAN AHAD.”

 

Aur agar  imam ke peechhe ho to “Subhanaka allahuma” parh kar khamosh ho jaye, kyon ki “Alhamdu” aur soorat imam parhe ga,  phir “Allahu Akbar” kahte huye “Ruku” kare, ruku me peeth ko seedha rakhhe aur ungliyon se ghutnon ko pakar le aur 3 bar ya 5 bar ya 7 bar سُبْحَانَ رَبِّيَ الْعَظِيمِ  SUBHANA RABBIYL AZEEM parhe,

Ruku

phir  سَمِعَ اللهُ لِمَنْ حَمِدَهُ رَبَّنَا لَكَ الْحَمْدُ  SAMIA LLAHU LIMAN HAMIDAH, RABBANA LAKAL HAMD kahte huye sidha khara ho jaye,  agar jamat ke sath namaz ho to سَمِعَ اللهُ لِمَنْ حَمِدَهُ sirf iman parhe ga aur imam ke pichhe sare log sirf “Rabbana lakal hamdu” kahen ge, Us ke baad “Allahu akbar” kahte huye “Sajda” me jaye,

Sajda Karne ka tarika:

Sajde me jate waqt pahle dono ghutne phir dono hath, phir naak, phir peshaani zameen par rakhhe, hathon ki ungliyan Qibla ki taraf rahni chahiye, aur kuhniyan pisliyoun se aur pet ranon se alag rahi chahiye, kuhniyan zameen par na bichhaaye, us ke baad 3 bar ya 5 bar ya 7 bar  سُبْحَانَ رَبِّيَ الْأَعْلَى SUBHANA RABBIYAL AALA parhe, phir pahle peshaani, phir naak, phir haath utha kar “Allahu akbar” kahte huye baith jaaye, phir “Allahu akbar” kahte huye dosra sajda kare,  phir “Allahu akbar” kahte huye uthe, uthne me pahle peshaani, phir naak, phir ghutne utha kar panjon ke bal sidhe khare ho jaye, aur khare ho kar hath bandh le, ab yek rakat puri ho gayi.

Sajda

Dosri Rakat:

dosri rakaat me “Sana” aur “Taauwz o Tasmiyah” na parhe, balki “Alhamdu” aur koyi soorat parhe. jaise:

sure-falaq
Sure Falaq

Sure Falaq Hindi me

“QUL AUOOZU BIRABBIL FALAQ. MIN SHARRI MA KHALAQ. WAMIN SHARRI GHASIQIN IZA WAQAB. WAMIN SHARRIN NAFFASAATI FIL UQAD. WAMIN SHARRI HASIDIN IZA HASAD.”

Agar imam ke peechhe ho to khamoosh khara rahe, phir isi tarah “Ruku”, “Sajda”, “Jalsa” aur dosra Sajda kare, dosre sajde se uth kar bayan pair bichha kar us par baith jaaye. Dayan pair khara rakhhe, aur hathoon ko ranon par rakh kar “Attahiyyat” parhe, Jab “Ashhadu Alla ilaha” par pahonche to dayen haath ki ungliyun ka Halqa bana kar “Shahadat ki ungli” se ishara kare,

Qada

Aur “Illalahu” par jhuka le, ungliyon ka yah halqa namaz ke aakhir tak rahe ga. Is puri dua ko “Tashauhud” kahte haien.

Tashauhud (Attahiyyat) Hindi Me

“ATTAHIYYATU LILAHI WASSALAWATU WATTAYYIBATU, ASSLAMU ALAIKA AYYUHAN NABIYYU WARAHMATU LLAHI WABARAKATUH, ASSLAMU ALAINA WAALA IBAADIL LASISALIHEEN, ASHHADU ALLAYILAHA ILLALAHU WAASHHADU ANNA MUMAMMADAN ABDUHU WARASULUH.”

Dosti Rakaat Ke Baad:

Agar namaz “2 Rakaat” wali hai jaise “Fajr”  to “Tashauhud” khatm kar ke “Darud Shareef” Parhe, phir “Duaaye Masura” parh kar salam phere, pahle dayen taraf garden kar ke “Asslamu alikum wa rahmatullah” kahe, phir bayen taraf garden kar ke isi tarah kahe,

Salam

Darud Shareef Hindi Me

“ALLAHUMMA SALLI ALA MUHAMMAD, WA ALA AALI MUHAMMAD, KMA SALLAITA ALA IBRAHEEM, WAALA AALI IBRAHEEM, INNAKA HAMEEDUM MAJEED. ALLAHUMMA BARIK ALA MUHAMMAD, WAALA AALI MUHAMMAD, KMA BARAKTA ALA IBRAHEEM  WAALA AALI IBRAHEEM, INNAKA HAMEEDUM MAJEED. “

Duaaye Masura Hindi Me

“ALLAHUMMA INNI ZALAMTU NAFSI ZULMAN KASEERAUN WALA YAGHFIRUZ ZUNOOBA ILLA ANTA, FAGHFIR LI, MAGHFIRATAM MIN INDIKA WARHAMNI, INNAKA ANTAL GHAFURUR RAHEEM.”

Aur agar 3 ya 4 rakaat wali namaz ho Jaise: “Maghrib” “Isha” to “Attahiyyat” parhne ke baad “Darud Shareef” na parhe, “Allahu Akbar” kahte huye seedha khara ho jaaye, aur teesri aur chauthi rakaat puri kare, phir “Attahiyyat” “Darud” aur “Duaaye Masura” parh kar salam pher de, is tisri aur chauthi rakat me only alhamdu parhe ga surat nahi milaye ga.

Note: Teen rakaat aur Char rakaat wali Farz Namaz: jaise “Zuhr” “Asar” “Maghrib” aur “Isha” ki teesri  aur chauthi rakaat me “”Alhamdu” ke baad koyi soorat parna zaruri nahi hai, bas “Alhamdu” parh kar “Ruku” kar le, lekin “Sunnat” aur “Nafal”  ki teesri  aur chauthi rakaat me “”Alhamdu” ke baad kisi surat ka parhna zaruri hai.

Farz Namzon Me Qirat Ka Masla

Farz Namaz agar 2 rakat wali ho for example: Fajr ki namaz to is ki dono rakat me qirat zaruri hai yani Alhamdu ke baad koyi surat padhna hai.

Agar farz namaz 3 rakat wali for example: Magrib, to is ki pahli 2 rakat me qirat zaruri hai, aur tisri rakat me sirf Alhamdu padh kar ruku karen.

Agar farz namaz 4 rakat wali ho jaise: Zohar, Asar aur Isha to in namazon ki pahli 2 rakats me qirat karna hai, aur aakhir ki 2 rakaton sirf alhamdu padh kar ruku karen ge.

Ab in namazon me Qirat yani surrat kis tarah padhe? aur us ka tarika kya hai? us ko Jaan ne ke liye please is link par click karen:

4 Rakat Sunnat Namaz Padhne Ka Tarika

Is article ke end me us ki puri details batayi gayi hai.

 

31 thoughts on “Namaz Parhne Ka Tarika in Hindi Urdu

  1. Jaazak Allah Allah Ap Ki Aur Apke Taamaam Ghar Walon Ki Mushkilaat Khatm Farmaaye Aur Unhan Labmi Zindagi Atta Farmae…

  2. Niyyat namaz ki du hai wo b batain aur dekhain
    Inni wajahto wajhiya lillazi fatras samawaaati walaraza haneefan wama aana minanal mushrikeen

  3. Thanku so much allah aap ko hamesha khush rakhe har mushkil aap ki asaan karde aap ki har duwa qubool farmaye aameen summa aameen

Leave a Reply

Your email address will not be published. Required fields are marked *