Blog

(سلسلہ نمبر: 554)

دورانِ نماز نیت بدلنا

سوال: میں عشاء کی نماز پڑھ رہا تھا؛ لیکن دفعتاً خیال آیا ابھی مغرب کی نماز بھی نہیں پڑھی ہے تو اس نماز کو مغرب کی کر دیا، کیا یہ نماز صحیح ہوئی یا نہیں؟ کیا اس طرح نیت بدلنا صحیح ہے؟

 المستفتی: محمد عالمگیر رحیمی میرٹھ۔

الجواب باسم الملھم للصدق والصواب: انفرادی نماز میں ایک نماز سے دوسری نماز میں داخل ہونے کے لئے نیت کے ساتھ دوبارہ تکبیر تحریمہ کہنا ضروری ہے، اس لئے صورت مسئولہ میں اگر آپ نے مغرب کی نیت کے ساتھ دوبارہ تکبیر تحریمہ بھی کہا تھا تو مغرب کی نماز درست ہوگئی اور اگر تکبیر تحریمہ نہیں کہا تھا تو نہ تو مغرب کی نماز ہوئی نہ ہی عشاء کی۔