Blog

(سلسلہ نمبر: 456)

ذبح میں کتنی رگوں کا کٹنا ضروری ہے؟

سوال: کیا فرماتے ہیں مفتیان کرام مسئلہ ذیل کے بارے میں کسی بھی جانورکی گردن میں کل کتنی رگیں ہوتی ہیں ذبح میں انمیں سےکم از کم کتنی اور کن کن رگوں کا کاٹنا ضروری ہے؟

المستفتی: محمد نبی حسن چمپارنی بیت العلوم سرائیمر اعظم گڑھ۔

الجواب باسم الملھم للصدق والصواب:

جانور کے حلق میں بڑی چار رگیں ہوتی ہیں، ایک نرخرہ جس سے سانس لیتا ہے، دوسری وہ رگ جس سے دانہ پانی جاتا ہے اور دو شہ رگیں جو نرخرہ کے دائیں بائیں ہوتی ہیں۔

 ذبح کا بہتر اور متفق علیہ طریقہ یہ ہے کہ یہ چاروں رگیں کٹ جائیں، اگر ان چار میں سے تین ہی رگیں کٹیں تب بھی ذبح درست ہے، اس کا کھانا حلال ہے اور اگر دو ہی رگیں کٹیں تو وہ جانور مردار ہوگیا اس کا کھانا درست نہیں۔