Blog

(سلسلہ نمبر: 463)

عاشوراء کے دن دکان کھولنا

سوال: کیا فرماتے ہیں علمائے دین اس مسئلہ میں کہ دسویں محرم کو دوکانیں کھولنا اور کاروبار کرنا شریعت کی روشنی میں صحیح ہے یا غلط؟

المستفتی: سلمان شاہد، بنارس۔

الجواب باسم الملھم للصدق والصواب:

 عاشوراء کے دن دوکان کھولنے میں کوئی حرج نہیں ہے، اگر سوال کا مقصد یہ ہے کہ دکان میں ایسے سامان فروخت ہوتے ہیں جس کو لوگ خرافات میں استعمال کرتے ہیں تو اس کا جواب یہ ہے کہ اگر وہ سامان اس دن خرافات کے علاوہ کہیں اور استعمال نہیں ہوگا تو ایسے سامان کی دکان کو اس دن بند رکھا جائے گا کیونکہ ایسے سامان کا اس دن بیچنا جائز نہیں ہے، اور اگر سامان ایسا ہے کہ دوسرے جائز کاموں میں بھی استعمال ہوتا ہے تو پھر اس کے بیچنے اور دکان کھولنے میں کوئی حرج نہیں ہے۔