Blog

(سلسلہ نمبر: 544)

مسافت میں کس راستے کا اعتبار ہوگا؟

سوال: کیا فرماتے ہیں مفتیان کرام مسئلہ ذیل کے بارے میں ؟

میں جس علاقہ میں رہائش پذیر ہوں (شیرگاؤں ضلع پالگھر) ، وہاں سے تقریبا 53 کلو میٹر وایا ٹرین 87 کلومیٹر وایا روڈ ایک علاقہ میرا روڈ (ضلع تھانہ) ہے جہاں اکثر لوگ اپنے کام کے سلسلہ میں روزانہ اپ ڈاؤن کرتے ہیں۔

سوال یہ ہیکہ جب ٹرین سے سفر کرتے ہیں تو مسافت تقریبا 53 کلو میٹر ہوتی ہے اور جب روڈ سے سفر کرتے ہیں تو مسافت لمبی ہوجاتی ہے کیونکہ گاڑیاں گھاٹیوں سے گزرتی ہوئی ہائے وے پر آتی ہے جسکی بناء پر تقریبا 30 کلو میٹر مسافت بڑھ جاتی ہے۔

اب لاک ڈاؤن کی وجہ سے ٹرین بند ہیں اور اگر جاری ہیں تو عام اجازت نہیں کہ ہر کوئی سفر کرسکے جسکی بناء پر اکثریت روڈ سے سفر کرنے والوں کی ہے۔

تو اب ایسے مسافرین کا کیا مسئلہ ہے آیا وہ رخصت پر عمل کرتے ہوئے قصر پڑھیں یا مکمل نماز پڑھیں؟

المستفتی: محمد عامر شیخ فلاحی، مقیم شیر گاؤں، ضلع پالگھر۔

الجواب باسم الملھم للصدق والصواب: صورت مسئولہ میں روڈ کے ذریعے سفر کرنے والے حضرات قصر کریں گے، اور ٹرین کے ذریعہ سفر کرنے والے پوری نماز پڑھیں گے؛ اس لئے جس راستے سے سفر کیا جائے اسی راستہ کا اعتبار ہوتا ہے۔