Blog

(سلسلہ نمبر: 549)

نماز پوری ہونے کے بعد شک کا اعتبار نہیں

سوال: کیا فرماتے ہیں مفتیان کرام مسئلہ ذیل میں بندہ عبدالقیوم نے نماز ادا کی اور اسے یاد نہیں کہ اسنے التحیات پڑھی یا نہیں اور سجدۂ سہو بھی نہیں کیا، تو کیا بندہ کو نماز دہرانی پڑیگی یا نماز ہوجائیگی؟.

المستفتی: عبد القیوم، اعظم گڑھ۔

الجواب باسم الملھم للصدق والصواب: نماز کو دھیان لگا کر خشوع وخضوع کے ساتھ پڑھنا چاہئے تاکہ کسی طرح کا شک نہ ہو، اگر نماز پڑھ لینے بعد شک ہو کہ تشہد پڑھا کہ نہیں یا فلاں رکعت میں رکوع کیا یا نہیں وغیرہ وغیرہ تو اس شک سے نماز پر کوئی اثر نہیں پڑتا، پہلی مرتبہ جو نماز پڑھ لی گئی وہی کافی ہے، دہرانے کی ضرورت نہیں، ہاں اگر نماز کے بعد یقین کے ساتھ معلوم ہوجائے کہ کوئی فرض یا واجب چھوٹ گیا ہے تو نماز کو دہرانا ہوگا۔