Blog

(سلسلہ نمبر: 651)

ٹرسٹیان کا مدرسہ میں کھانا

سوال: ایک مدرسہ ہے جس میں مطبخ ہے اور اس میں مدرسین اور خدام اور طلبہ کا کھانا بنتا ہے جو ٹرسٹیز ہیں، وہ جمعہ کو اکثر آتے ہیں اور مطبخ ہی سے کھانا کھاتے ہیں اسی طرح کبھی ٹرسٹ ہی کے کام سے رکتے ہیں اور دو تین گھنٹے رک کر مسجد مدرسہ اور ٹرسٹ کا کام کرتے ہیں اور وقفے وقفے سے مدرسے کے مطبخ سے چائے وغیرہ پیتے ہیں کیا یہ درست ہے؟

برائے کرم قرآن وحدیث کی روشنی میں جواب مرحمت فرمائیں۔

المستفتی:  آفاق احمد خان کوپر کھیرنہ، ممبئی۔

الجواب باسم الملھم للصدق والصواب: اگر مطبخ میں کھانا زکوٰۃ ودیگر صدقات واجبہ سے ہی بنتا ہے تو اساتذہ اور ٹرسٹیان کے لئے اس کا کھانا جائز نہیں ہے اور اگر امداد وصدقات نافلہ سے یا مخلوط بنا ہو اور چندہ دینے والوں کی طرف سے صراحتاً یا دلالۃ اجازت ہو، نیز مدرسہ کے ضابطہ میں اساتذہ وٹرسٹیان کے لئے کھانے کی اجازت ہو تو کھا سکتے ہیں۔