Blog

Dear friends! is article me hum islam se related kuchh aasan baten aap se share karen ge jo hamere bachon ke liye janna bahut zaruri hai, yah article bahut hi aasan language me hai, jin ko hum sab aur hamare bachche aasani se samajh len ge, islam se related ek aur article Arkan e Islam ke naam se hum ne likha hai jo yang logon ke liye hai.

Bachon Ke Allah

Pyare bachcho! hum sab ko jaanna chahiye ki: allah ek hai, us ka koyi sajhi aur shareek nahi, wah pak be aib hai, wah kisi ka muhtaj nahi, sab us ke muhtaj hai, wah jo chahta hai karta hai, koyi us ko rok nahi sakta koyi us ko took nahi sakta, wah always hai, aur always rahe ga, us ne hum sab ko paida kia, hamare mother and father ko paida kia, wahi sab marta aur jilata hai, puri dunya aur dunya me jo kuchh hai sab allah hi ne banaya hai, wah tanha aur akela hai, us ki koyi family nahi hai, wah har jagah maujood hai, sab me mila hai aur sab se juda hai, wah always sab ki sunta hai, bimari aur health wahi deta hai, gareeb aur maaldar wahi banata hai,   

Allah Ki Gift Ki huyi Important Cheezen

Allah tala ne hum ko bahut qimti chezen gift ki hain jo all world me nahi mil sakti, us ne hum ko 2 eyes di hain jin se hum dekhte hain, us ne hum ko 2 ears diye hain jin se hum sunte hain, chalne ke liye foot diye, bolne ke liye zaban di, us ne hamare khane pine ke liye galla aur pani paida kia, aur saans lene keliye hawa banayi, yah sab aisi chaizen hain jin ko allah tala ke elawa koyi aur nahi de sakta, agar kisi ki aankh kharab ho jaye to wah apni sari daulat kharch kar ke bhi pahli jaisi nahi banwa sakta, us ne hum ko pyare maa baap diye hain, wah maa jo hum ko bahut chahti hai, aur baap jo hamara bahut khayal karte hain, chand, suraj, sitare aur aasmaan, yah sab  allah ne hi banaya hai, usi ne pyare pyare phool khilaye hain.

Ibadat Aur Bandagi Only Ek Allah Ki Honi Chahiye

Jab hamara sara kaam karne wala allah tala hi hai to hum ko apne dil me yah baat baitha leni chahiye ki ibadat aur bandagi only one allah ki honi chahiye, kyun ki wahi har cheez ka malik hai, wahi all world ka paida karne wala hai, wahi har ek ki sunta hai, wahi super power wala hai.

Bachon Ke Nabi Aur Rsool

Allah tala ka bahut bada ehsan hai ki us ne hamari hidayet aur aur hum ko seedhe raaste par chalne ke liye apne pak bandon ko bheja, jin se hamari dunya bhi durust ho aur hamari aakhirat bhi durust ho, in pak bandon ko nabi ya rasool kahte hain, nabi khuda ke nek bande hote hain, wah kabhi jhoot nahi bolte, wah kabhi gunaah nahi karte, wah khuda ke hukm ko us ke bandon tak pahonchate hain, nabi sare aadmiyon ko apni aulad ki tarah dekhte hain, wah sab ki bhalayi chahte hain, insan jab bure kaam karte hain to nabi ko bahut takleef hoti hai, nabi ki puri life allah ke order aur us ke hukm ke liye hoti hai, nabi allah ke kisi order ko hide nahi karte, wah sare insano ko allah ki marzi batate hain.

Kuchh Mashhoor Nabiyon Ke Naam

Dunya me sab pahle nabi Hazrat Aadam Alaihis Salam aaye, un ke baad Hazrat Nooh, aur sab se end me hamare nabi Hazrat Mohammad Sallalahu Alaihi Wasllam aaye, aap ke baad Qayamat tak ab koyi nabi nahi aaye ga, aap ke baad jo bhi nabi hone ka dawa kare wah jhoota hai, kyun ki aap ne bahut sari hadison me farmaya: “Mai sab se aakhiri nabi hum mere baad koyi nabi nahi aaye ga, han mere baad khalifa aur allah ke nek bande aate rahen ge”. [Sahih Bukhari: 3455, Sahih Muslim: 1842]

Kuchh Fames Nabi Yah Hain:

Hazrat Aadm Alaihis Salam.

Hazrat Nooh Alaihis Salam.

Hazrat Loot Alaihis Salam.

Hazrat Yaqoob Alaihis Salam.

Hazrat Usuf Alaihis Salam.

Hazrat Unus  Alaihis Salam.

Hazrat Ibraheem Alaihis Salam.

Hazrat Ismayeel  Alaihis Salam.

Hazrat Musa Alaihis Salam.

Hazrat Shuaib Alaihis Salam.

Hazrat Haroon Alaihis Salam.

Hazrat Ilyaas Alaihis Salam.

Hazrat Zakaria  Alaihis Salam.

Hazrat  Yahya  Alaihis Salam.

Hazrat Isa Alaihis Salam.

Hazrat Mohammad Sallalahu Alaihi Wasllam.

Sare Nabiyon Ne Kya Bataya?

Sare nabiyon ne sachchi baten batayi, sab ne allah ka hukm pahonchaya, aur kaha: ai logo! allah ek hai wahi ibadat ke layeq hai, allah ke siwa kisi se na darna, isi baat ko sab se batate rahe, aur isi baat ke liye wah mare gaye sataye gaye, apne gharon se kikale gaye, apni puri zindagi allah ke deen ke liye laga di.

Musalman None Ka Matlab

Sare nabiyon ne jo hum ko jo education di usi ko Mazhab e islam kahte hain, aur masalman us ko kahte hain jis ka mazhab ya deen islam ho, aur muslman hone ka matlab yah hai ki dil se mane aur zaban se iqrar kare ki islam sachcha mazhab hai, aur jo kuchh islam sikhata hai wah sab theek aur sahi hai.

Islam Ki Education

Islam ki education yah hai ki: allah ek hai, bandagi ke layeq wahi hai, sare nabi sachche hain, aur hamare nabi Hazrat Mohammad Sallalahu Alaihi Wasllam allah ke bande aur us ke rasool hain, Quran Pak allah ki book hai,Quran ka ek ek word true and  sachcha hai.

Islam Ke Kamle

Islam me total 6 kalme hain:

First Kalma Tayyibah.

Second Kalma Shahadat.

3th Kalma Tamjeed.

4th Kalma Tauheed.

5th Istigfaar.

6th Radd e Kufr.

in me sab se important first kalma hai, is ko kalma tayyibah, kalma tauheed, and kalma islam bhi kahte hain, is kalme me allah ke ek hone ka iqrar hai, aur islam ki bunyad isi kalme par hai.

Aur second kalma shahadat ka mtlab yah hai ki tum allah ke ek hone, aur Hazrat Mohammad (S A W) ke allah ke nabi aur rasool hone ka iqrar pure yaqeen se karo ki tum ne unko apni aankhon se dekha hai, yani ibadat ke layeq sirf ek allah hai, us ek allah ne tumhare samne Hazrat Mohamad (S A W) ko rasool bana kar bheja hai, isi ko shahadat kahte hain.

Ways Of Islam (Islam Ke Raste)

Allah ka fazal hai ki ahamara deen bahut aasan hai, us ke raste bilkul seedhe hain, jin par har aadmi aasani se chal sakta hai, is me kuchh raste aise hain jin par sab ko chalna hai aur yah raaste: Namaz, Roza, Hajj, Zakat hain.

Namaz

Subah uthe hand and face ko wash kia Wazu kia aur namaz padh li, isi tarah do pahar ko, aur tisre pahar ko, sham ko, aur raat me sote waqt allah ke samne sar jhuka dia, 5 time ki namaz complete ho gayi, subah uth kar wazu kar ke saaf suthre ho gaye, aur raat ko saaf suthre ho kar so gaye, subah uth kar allah ka naam le lia, aur jab soye tab bhi allah ka naam le kar soye, isi ko namaz kahte hain, isi se bachche bhagte hain, yah koyi bhagne ki cheez nahi hai, namaz parhne wale bachche ki sab log tareef karte hain, mother and father sab log khush rahte hain, aur sab log kahte hain: kaisa saaf suthra namazi bachcha hai.

Roza

Hamare islam ka yah dosra seedha raasta hai, jab boys and girls 14+ old ke ho jayen to roza un par farz ho jata hai, roza bhi khoob maze ki cheez hai, raat ko subah hone se pahle khoob dudh, double roti, aur shandar  kheer khaye  , aur sham ko jahan Magrib ki azan huyi bade mazedar cheezen, dunya bhar ki nematen khane ko mili, iftar ka maza wah aadmi khoob janta hai jo roza rakhkhe, kisi aur khane me aisa maza nahi milta jo din bhar bhooka rahne ke baad sham ko roza kholne me milta hai, jo pure year me 1 one month ka roza rakhta hai wah kabhi bimar nahi hota.

Hajj

Dear boys! jab tum yang ho jao, aur tumhare paas zada paisa ho jaye tab allah ke ghar ka hajj karna, dekho hajj karne ke liye tum ko kisi paisa na maangna pade, karz ke paise se hajj karna theek nahi.

Zakat

Zakat ka masla maldaron se related hai, bachcho jab tum bade ho kar ho kar aisa kamane lago tab is raaste ko dekhna, saal bhar tak khaoo pio, shadi wiwah karo, allha ke raaste me Sadqa Kairaat karo, sari zrurat puri hone ke baad jab ek khas raqam bach jaye to us me se zakat nikalo, yah zakat kisi gareeb miskeen, ya kisi miskeen, ya apne kisi gareeb relation  wale ,ya kisi musafir ko di jati hai.

yah sab deen ke raaste hain jo bahut seedhe hain, un par chalna bahut aasan hai, bacho! deen ke raaste par chalo, dosron ko bhi chalna bataoo, phir kya hai deen bhi tumra dunya bhi tumhari.