You are currently viewing Surah Kafiroon With Urdu Translation, Surah Kafirun In Urdu

Surah Kafiroon With Urdu Translation, Surah Kafirun In Urdu

ترجمہ اور تفسير سورہ كافرون

ترتيب: محمد ہاشم قاسمى بستوى

قُلْ يَا أَيُّهَا الْكَافِرُونَ ﴿1﴾

تم کہہ دو کہ: اے حق کا انکار کرنے والو۔

 لَا أَعْبُدُ مَا تَعْبُدُونَ ﴿2﴾

میں ان چیزوں کی عبادت نہیں کرتا جن کی تم عبادت کرتے ہو۔

 وَلَا أَنْتُمْ عَابِدُونَ مَا أَعْبُدُ ﴿3﴾

اور تم اس کی عبادت نہیں کرتے جس کی میں عبادت کرتا ہوں۔

 وَلَا أَنَا عَابِدٌ مَا عَبَدْتُمْ ﴿4﴾

 اور نہ میں ( آئندہ) اس کی عبادت کرنے والا ہوں جس کی عبادت تم کرتے ہو۔

 وَلَا أَنْتُمْ عَابِدُونَ مَا أَعْبُدُ ﴿5﴾

 اور نہ تم اس کی عبادت کرنے والے ہو جس کی میں عبادت کرتا ہوں۔

 لَكُمْ دِينُكُمْ وَلِيَ دِينِ ﴿6﴾

تمہارے لیے تمہارا دین ہے اور میرے لیے میرا دین۔

شانِ نزول

اس سورت کا سبب نزول یہ ہے کہ ایک بار چند روسا نے  جن میں ولیدبن مغیرہ، عاص بن وائل وغیرہ شامل تھے حضور اقدس ﷺ سے عرض کیا کہ آیئے ہمارے معبودوں کی آپ عبادت کیا کیجئے اور آپ کے معبود کی ہم عبادت کیا کریں جس میں ہم اور آپ طریق دین میں شریک رہیں جونسا طریقہ ٹھیک ہوگا اس سے سب کو کچھ کچھ حصہ مل جائے گا، اس پر یہ سورت نازل ہوئی۔ کذا في الدر المنثور.

سورة كافرون كے فضائل

 حدیث میں آتا ہے کہ اس سورة کے پڑھنے کا ثواب چوتھائی قرآن کے برابر ہے۔ (روح المعانی : ص : ٦٦٨: ج : ٣٠)

حضرت عائشہ (رض) سے روایت ہے کہ نماز فجر کی سنتوں میں پڑھنے کے لیے دو سورتیں بہتر ہیں۔ ١۔ سورة الکافرون۔ ٢۔ سورة الاخلاص متعدد صحابہ (رض) سے منقول ہے کہ انھوں نے آنحضرت ﷺکو صبح کی سنتوں میں اور مغرب کی نماز میں انہی دو سورتوں کو پڑھتے ہوئے سنا ہے حضرت فروہ بن نوفل کا بیان ہے کہ میرے والد نے آنحضرت ﷺ کی خدمت میں عرض کیا کہ مجھے کوئی ایسی چیز بتا دیجئے کہ جس کو میں سونے سے پہلے پڑھ لیا کروں۔ آپ ﷺ  نے فرمایا قُلْ يَا أَيُّهَا الْكَافِرُونَ پڑھ لیا کرو اس میں شرک سے بیزاری کا اظہار ہے۔ (مظہری: ص: ٣٥٥: ج : ١٠)

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Leave a Reply