Blog

(سلسلہ نمبر: 448)

تیرا میرا رشتہ ختم

سوال: کیا فرماتے ہیں مفتیان کرام مسئلہ ذیل کے بارے میں کہ ایک شخص نے اپنی بیوی سے کہا کہ اگر تو میری اجازت کے بغیر پڑوسی یا غیر رشتہ دار کے گھر گئی تو تیرا میرا رشتہ ختم، اس جملہ سے شوہر کی مطلق طلاق کی نیت تھی، ایک دو یا تین طلاق کی کوئی نیت نہیں تھی، ان صاحب کی بیوی بلا اجازت پڑوسی کے گھر چلی گئی، تو کیا اب طلاق واقع ہوگئی یا نہیں؟ اگر واقع ہوئی تو کتنی طلاق واقع ہوئی؟ اس مسئلہ کا جلد از جلد جواب مرحمت فرماکر شکریہ کا موقع عنایت فرمائیں۔

المستفتی: محمود الرحمن ، بنگلور۔

الجواب باسم الملھم للصدق والصواب:

صورت مسئولہ میں اس شخص کی بیوی پر ایک طلاق بائن واقع ہو چکی ہے، اب اگر شوہر اس کے ساتھ رہنا چاہتا ہے تو عدت کے اندر یا عدت کے بعد گواہوں کی موجودگی میں نئے مہر کے ساتھ دوبارہ نکاح کرکے رہ سکتا ہے۔