Blog

 (سلسلہ نمبر: 742)

 تراویح کی فاسد رکعات کا دوسرے دن اعادہ نہیں ہوگا

سوال: اگر تراویح کی نماز میں قرأت میں کوئی ایسی غلطی ہوجائے کس سے نماز فاسد ہو جائے، لیکن اس کا علم دوسرے دن ہوا، تو کیا ان دو رکعتوں کا دوسرے اعادہ کیا جائے گا یا نہیں؟

المستفتی: محمد عبد اللہ نقشبندی، کھنڈواری، اعظم گڑھ۔

الجواب باسم الملہم للصدق والصواب: اگر نماز تراویح میں دوران قرأت کوئی ایسی غلطی ہوئی جس سے نماز فاسد ہوگئی اور اس کا علم اس رات نہ ہوسکا، تو ان دو رکعتوں میں جو قرآن پڑھا گیا ہے آئندہ تراویح میں اس کا اعادہ کرلیا جائے، لیکن وقت گزرنے کے بعد فاسد رکعتوں کا اعادہ نہیں کیا جائے، نہ ہی جماعت سے اور نہ ہی تنہا تنہا، اگر کوئی تراویح کی نیت سے اعادہ کرے گا تو مکروہ ہوگا۔