Blog

لڑکیوں کے زیورات پر زکوة

سوال کیا فرماتےہیں علماء دین مسئلہ ذیل کے بارے میں کہ اگر کوئی شخص اپنی بچی کے لئے زیورات بنوا کے رکھے تو کیا اس پر زکوة ہے؟

المستفتی :محمود الحسن قاسمی مہراج گنج

 الجواب باسم الملهم للصدق والصواب :

 اگر باپ نے بچی کے لیے زیورات بنوائے ہیں لیکن اس کو اپنی ملکیت میں رکھا ہے، ابھی بچی کی تحویل میں نہیں دیا ہے تو اس کی زکوة باپ کو ادا کرنی ہوگی، اور اگر بچی کو دیدیا ہے اور اس کو تصرف کا مکمل اختیار ہے تو دیکھا جائے گا کہ بچی بالغ ہے یا نا بالغ، اگر بالغ اور صاحب نصاب ہے تو زکوة بچی کو ادا کرنی ہوگی، اور اگر نابالغ ہو تو اس زیور کی زکوة کی ادائیگی کسی کے ذمہ نہیں ہے۔