Blog

(سلسلہ نمبر: 648)

زکوٰۃ کی رقم تنخواہ میں دینا

سوال: مدرسہ تقریبا تیرہ ماہ سے بند ہے دارالاقامہ کے طلبہ کی کوئی پڑھائی نہیں ہو رہی ہے نہ ہی آف لائن اور نہ ہی آن لائن، تو کیا مدرسین کی تنخواہ زکوٰۃ کے پیسے سے دے سکتے ہیں؟ اس لئے کہ مدرسے میں آنے والی رقومات زکوۃ وصدقات اور فطرات کی ہوتی ہے اس کے علاوہ اور کوئی پیسہ نہیں ہے۔ برائے کرم قرآن وحدیث کی روشنی میں جواب مرحمت فرمائیں۔

المستفتی:  آفاق احمد خان کوپر کھیرنہ، ممبئی۔

الجواب باسم الملھم للصدق والصواب: مدرسین گرچہ اس وقت تعلیم نہیں دے رہے ہیں لیکن ان کو بلا تملیک زکوٰۃ وصدقات واجبہ کی رقم  سے تنخواہ دینا جائز نہیں؛ کیونکہ صدقات واجبہ کی ادائیگی  کیلئے ضروری ہے کہ ان کو مصارف پر بطور تملیک بغیر کسی عوض کے صرف کیا جائے لہٰذا تنخواہ میں بلا شرعی حیلہ کے دینا جائز نہیں۔