Blog

(سلسلہ نمبر: 518)

سگی بہن سے غلطی سے نکاح

سوال: دو بھائی بہن بچپن میں ایک گاؤں میں رہتے تھے ایک طوفان آیا جس سے دونوں بچھڑ گئے، جوان ہونے کے بعد دونوں کے درمیان محبت ہوئی پھر شادی ہوگئی اور بچہ بھی پیدا ہوا، پھر دونوں کو معلوم چلا کی ہم دونوں بھائی بہن ہیں، اس پر شریعت کا کیا حکم ہے؟ حوالہ کے ساتھ جواب عنایت فرمائیں۔

المستفتی: محمد وسیم اکرم کٹیہار، بہار۔

الجواب باسم الملھم للصدق والصواب: بہن سے نکاح کرنا شرعا ناجائز اورحرام ہے، اگر کسی نے کرلیا تو یہ نکاح فاسد کے حکم میں ہے، نکاح فاسد میں بچہ کا نسب ثابت ہوتا ہے، لہذا صورت مسؤلہ میں ان دونوں پر فوری طور پر ازدواجی تعلقات کو ختم کرنا لازم ہے، البتہ بچے کا نسب اس کے والد سے ثابت ہے۔