Blog

(سلسلہ نمبر: 534)

موبائل پر نکاح

سوال: یہ ہے کہ دولھا دلھن دونوں ایک ہی مجلس میں ہیں، اور دونوں کے گواہ بھی ایک ہی مجلس میں شریک ہیں، مگر قاضی کسی دوسرے مقام پر ہیں، اور موبائل فون کے ذریعے سے کال، یا ویڈیو کال سے نکاح کرادیں، تو کیا اس صورت میں نکاح درست ہے؟ اور اگر کسی نے اس طرح کرلیا تو اب اس کا حل کیا ہوگا؟  

المستفتی: حفیظ اللہ راجستھان۔

الجواب باسم الملھم للصدق والصواب: نکاح کے درست ہونے کے لیے ضروری ہے کہ ایجاب وقبول ایک ہی مجلس میں ہو، اور یہ شرط، ٹیلی فون یا موبائل کے ذریعہ براہِ راست نکاح کرنے میں نہیں پائی جاتی، اس لیے ٹیلی فون یا موبائل پر نکاح درست نہیں، اگر کسی نے اس طرح نکاح کرلیا ہے تو نکاح نہیں ہوا، دوبارہ نکاح کریں

نوٹ: چونکہ زوجین اور گواہ ایک مجلس میں موجود ہیں اس لئے اگر زوجین میں سے کوئی ایجاب کرے اور دوسرا قبول کرلے تو نکاح ہوجائے گا، موبائل کے استعمال کی کوئی ضرورت نہیں ہے۔