Blog

قبرستان میں جے سی بی (JCB ) کا استعمال

سوال: کیا فرماتے ہیں مفتیان کرام مسئلہ ذیل کے بارے میں:

ہمارے یہاں قبرستان میں برسات کے موسم میں تین چار فٹ پر پانی نکل آتا ہے، خصوصاً برسات کے موسم میں تدفین میں کافی دشواری پیش آتی ہے، قبرستان کا تین حصہ بھر چکا ہے جس میں درخت لگے ہوئے تھے، اسے کاٹ کر اسی کی آمدنی سے بھرائی کا ارادہ ہے، مگر دشواری یہ ہے کہ درخت کی جڑوں کو پرانی قبروں کی وجہ سے مزدور نکالنے کو تیار نہیں ہیں، تو اس صورت حال میں جے سی بی وغیرہ سے درخت کی جڑوں کو نکلوا کر قبرستان میں مٹی بھرائی کا کام کرسکتے ہیں یا نہیں ؟ برائے کرم مفصل جواب عنایت فرماکر ممنون فرمائیں، والسلام۔

المستفتی عنایت اللہ قاسمی مدرس مدرسہ بیت العلوم، بڑھرا اندردت ضلع مہران گنج، یوپي

الجواب باسم الملهم للصدق والصواب:

قبروں کے اوپر بلا وجہ چلنا یا اس کے اوپر سے ٹریکٹر ٹرالی یا جے سی بی وغیرہ چلانا درست نہیں ہے، البتہ اگر مجبوری ہو تو ایسا طریقہ اختیار کرنا چاہئیے جس سے قبروں کی بے حرمتی کم سے کم ہو، اس لئے صورت مسئولہ میں مزدوروں کو زیادہ اجرت دے کر تیار کیا جائے یا دوسرے مزدورں سے بات کی جائے، اگر کوئی تیار نہ ہو تو بدرجہ مجبوری جے سی بی کا استعمال جائز ہے، فقط واللہ اعلم۔