Blog

جنون کی حالت میں طلاق کا حکم

سوال: کیا فرماتے ہیں مفتیان کرام مسئلہ ذیل کے بارے میں کہ زید کی دماغی حالت ٹھیک نھیں ہے؛ لیکن کبھی حالت ٹھیک ہوجاتی ہے تو اچھی بات بھی کرتا ہے لوگوں کےرشتے کی مناسبت سے عزت سےپیش آتا ہے ٹھیک بولتا ہے، پھر جب دوسرے وقت حالت بگڑ جاتی ہے تو ماں باپ بھائی بہن کسی کے رشتے کو نھیں سمجھتاہے انہیں گالیاں بھی دیتا ہے اور کبھی رونے لگتا ہے کبھی بے ہوش ہوجاتا ہے،،انھیں حالات کے چلتے زید نے اپنی بیوی خالدہ کونام لیکر تین سے زائد مرتبہ طلاق دیا ہے، اسکے بارے میں شرع کا کیا حکم ہے؟ قرآن وحدیث کی روشنی میں واضح فرماکر مشکور ہوں۔

المستفتی: شیخ محمد احمد اعظمی

الجواب باسم الملهم للصدق والصواب

صورت مسئولہ میں اس شخص سے دریافت کیا جائے کہ اس کو طلاق دینا یاد ہے یا نہیں، اگر اس کو کچھ یاد نہیں ہے اور حقیقتًا اس نے جنون کی حالت میں طلاق دیا ہے تو کوئی طلاق واقع نہیں ہوگی۔

اور اگر طلاق دینا یاد ہے تو اس بات کی دلیل ہے کہ اس وقت مکمل جنون کی حالت نہیں تھی تو ایسی صورت میں اس کی بیوی پر طلاق واقع ہو جائینگی۔