Blog

(سلسلہ نمبر: 366)

نکاح پر طلاق کو معلق کرنا

سوال: کیا فرماتے ہیں مفتیان کرام درج ذیل مسئلہ کے بارے میں کہ ندیم کا کچھ روز قبل انجم  کے ساتھ رشتہ (منگنی) طے ہوا ہے، آج گھر میں کسی معاملہ پر دوران گفتگو ندیم نے کہا “اگر میرا نکاح اس (انجم) سے ہوا تو اسے طلاق ہے۔ صورت مسؤلہ میں معلوم طلب امر  یہ ہے کہ جب ندیم کا نکاح انجم سے ہوگا تو کیا طلاق واقع ہوگی؟ اور کون سی؟

کیا اس صورت میں انجم پہ عدت بھی ہوگی؟ اور اس بچنے کا حیلہ ہوسکتا ہے؟ مدلل جواب مرحمت فرمائیں۔

المستفتی: محمد معین دہلی۔

الجواب باسم الملھم للصدق والصواب:

صورت مسئولہ میں ندیم اگر انجم کے ساتھ نکاح کرتا ہے تو ایک طلاق بائن پڑجائے گی، اور اگر مہر متعین تھی تو نصف مہر دینی پڑے گی، اب اگر دوبارہ اس کے ساتھ نکاح کرنا چاہے تو نئے مہر اور گواہوں کی موجودگی میں کرسکتا ہے، آئندہ صرف دو طلاق کا مالک ہوگا، اگر کبھی دو طلاق دیدیا تو انجم اس کے حق مغلظہ ہوجائےگی۔

حیلہ اس سے بچنے کا حیلہ یہ ہے کہ ندیم نہ خود اس سے نکاح کرے نہ ہی کسی کو اپنے نکاح کا وکیل بنائے بلکہ مسئلہ سے واقف کسی شخص کے سامنے یہ صورت حال بیان کردے، اب وہ شخص اس کے حکم کے بغیر اپنی مرضی سے انجم کے ساتھ اس کا نکاح کردے (اس کو نکاح فضولی کہتے ہیں) اس کے بعد ندیم کو اطلاع کرے کہ میں نے انجم کے ساتھ تمہارا نکاح کردیا ہے، اب ندیم زبان سے اس نکاح کی اجازت نہ دے بلکہ فعل سے اجازت دے مثلا انجم کے پاس مکمل مہر یا اس کا کچھ حصہ بھجوادے، تو اس طرح نکاح ہوجائے گا اور طلاق بھی نہیں پڑے گی۔