پھوپھی کو زکوة دے سکتے ہیں

سوال: کیا زکوة کی رقم پھوپھی کو دی جا سکتی ہے؟

المستفتی : محمد زید، ممبر پاسبان علم وادب

الجواب باسم الملهم للصدق والصواب:

جی زکوة کی رقم پھوپھی کو دینا جائز ہے، بلکہ اصول وفروع کے علاوہ قریبی رشتہ داروں کو زکوة دینے میں ڈبل ثواب ہے، ایک زکوة کی ادائیگی کا، دوسرے صلہ رحمی کا۔

الدلائل

عن سلمان بن عامر الضبي قال: قال النبي صلى الله عليه وسلم: الصدقة علی غیر ذی الرحم صدقة، وعلی ذی الرحم اثنتان، صدقة وصلة. (المصنف لابن أبي شیبة، الزکاة: ۱۰64۳)، مؤسسه علوم القرآن.

وقید بالولاد لجوازه لبقیة الأقارب کالإخوة والأعمام والأخوال الفقراء؛ بل هم أولیٰ لأنه صلة وصدقة. الخ. (رد المحتار، الزکاة / المصرف، زکریا دیوبند 3/293، کراچی 2/346).

والله أعلم

تاريخ الرقم: 16/9/1439ه1/6/2018م الجمعة