Blog

(سلسلہ نمبر: 385)

کھانے والے کو سلام اور جواب کا حکم

سوال: کیا کھاتے وقت سلام کرنا اور سلام جواب دینا صحیح ہے یا نہیں؟ جبکہ موبائل کی گھنٹی بجنے پر لوگ ریسیو کرکے سلام کے جواب میں کہتے ہیں کہ میں کھانا کھا رہا ہوں؟

المستفتی: مولانا صلاح الدین صاحب ندوی۔ استاذ دارالعلوم نور الاسلام، جلپاپور، نیپال۔

الجواب باسم الملھم للصدق والصواب:

 کھانے میں مشغول شخص کو سلام کرنا سنت نہیں ہے، اور اگر کوئی سلام کردے تو جواب دینا واجب نہیں، چاہے تو جواب دے اور چاہے تو جواب نہ دے۔

موبائل پر سلام کرنے والے کو چونکہ یہ معلوم نہیں ہوتا کہ سامنے والا کھانے میں مشغول ہے اس لئے اس کے سلام کرنے میں کوئی حرج نہیں؛ البتہ جس کو سلام کیا گیا ہے اس کو اختیار ہے کہ جواب دے یا نہ دے، اگر کوئی پریشانی نہ ہو تو دیدینا ہی بہتر ہے، ورنہ سامنے والا بد ظن ہوگا۔