Asr ki Namaz

Asar Ki Namaz Ka Tarika in Hindi Urdu

Note: Jis bhai bahan ko abhi namaz padna bilkul nahi aata wah please sab se pahle: Namaz Parhne Ka Tarika in Hindi Urdu par click karen .

Asar Ki Namaz Ka waqt

Din ki namazon me tisri namaz asar ki namaz hai, is ka waqt zohar ke waqt ke end hone baad start hota hai, yani har cheez shadow ya saya double ho jane ke baad shuru hota hai, aur sunset yani suraj doobne ke baad end ho jata hai, agar us ke main waqt ke end hone ki baat Karen to wah sunset se 15 ya 20 minutes pahle tak hai, is ke baad agar koyi asar ki namaz padhta hai to us ki namaz to ho jaye gi lekin makrooh hogi.

Asar ki namaz ki fazilat

Asr ki namaz ki sab se badi fazilat yah hai ki khud allah tala ne is ko padhne ke liye bahut zoor dia hai, Sure Baqrah ki ek aayat me hai:

{حَافِظُوا عَلَى الصَّلَوَاتِ وَالصَّلَاةِ الْوُسْطَى} [البقرة: 238]

Translation: tamam namazon ki pabandi karo aur khas taur par beech wali namaz ki (AL Baqarah: 238).

Explaination: Is aayat me beech wali namaz se murad Asr ki namaz hai, asar ka waqt aisa hota ki har aadmi is waqt kaam me busy hota market me is waqt zada rush hota hai, har aadmi kharidne bechne me laga rahta hai, to us waqt namaz chhutne ka zada chance hota hai, is liye allah tala ne  is namaz ki takeed ki marketing  ke chakkar me kahin asar ki namaz chhor mat dena.

Asar ki namaz ki rakat aur un ke padhne ka tarika

Asar ki namaz me total 8 rakats hain: 4 rakat Sunnat e Gair Muakkada, aur 4 rakat farz.

Pahle 4 rakat Sunnat padhe, us ka tarika jan ne ke liye is article par click Karen.

Us ke baad 4 rakat farz ki niyat kare, pahli  rakat me Sana, Taauz, Tasmiah  aur Alhamdu ke baad koyi surat bhi padhe.

Dosri rakat me sirf Alhamdu aur surat padh kar Qada Ula kare.

aur tisri aur chauthi rakat me sirf Alhamdu yani Sure Fatiha padhe. aur Qada Akhira kar ke salam pher de.

Asr Ki Namaz me Padhi Jane Wali Surten

Asr ki namaz me surat se related masnoon tariqa  Ausaat e Mufassal ki surten hain, yah Amma Para me  “Wassamai Wattariq” se “Lam yakunil lazina kafaru” ke beech ki surten hain, yaad na hone par quran ki tarteeb se koyi bhi surat padh sakte hain.

Asr  ki Namaz se Related Masle

Asr ki namaz pdhne ke baad koyi Sunnat ya nafal namaz nahi padhni chahiye.

Asr ke baad Qaza namaz padh sakte hain.

Asr ki farz se pahle Nafal Namaz padh sakte hain.

Asr ki farz padhne ke baad dua mangne se pahle Tasbeeh e Fatimi yani: Subhanallah 33 bar, Alhamdulillah 33 bar, aur Allahu Akbar 34 bar padhna Sunnat hai.

Leave a Reply

Your email address will not be published. Required fields are marked *