Blog

(سلسلہ نمبر: 330)

بیوی جس کمرے میں معتکف ہو اس میں شوہر سو سکتا ہے

سوال: اگر بیوی گھر کے کسی کمرے میں اعتکاف میں ہو تو کیا شوہر اس کمرے میں سو سکتا ہے، نیز شوہر اگر صحبت کرنا چاہے تو شرعاً اس کی اجازت ہے یا نہیں؟

المستفتی: ریحان احمد نوادہ پھول پور اعظم گڑھ۔

الجواب باسم الملھم للصدق والصواب:

 عورت اگر اعتکاف کرنا چاہے تو اس کو پہلے شوہر سے اجازت لے لینی چاہئیے، اگر شوہر اجازت دیدے تو اعتکاف میں حالت میں اپنی بیوی سے اگر صحبت کرے گا تو بیوی کا اعتکاف ختم ہو جائے گا، اور صحبت نہ کرے صرف بوس وکنار کرے تو اعتکاف تو ختم نہیں ہوگا لیکن اعتکاف کی حالت میں ایسا کرنا جائز نہیں ہے، البتہ اگر شوہر اس کمرے میں آرام کرنا چاہے تو اس میں کوئی حرج نہیں ہے پھر بھی احتیاط کا تقاضہ یہی ہے کہ اگر گھر میں گنجائش ہو تو شوہر دوسرے کمرے میں آرام کرے۔