Blog

(سلسلہ نمبر: 446)

مندر کا چکر لگانے کا حکم

سوال: ایک مسلمان کو کتے نے کاٹ لیا تھا تو اس کو ایک آدمی ایک مندر لے کر گیا تھا، مطلب جس کے گھر لے گیا تھا اس کے گھر میں چھوٹا سا مندر تھا، تو پجاری نے اس آدمی سے کہا جس کو کتے نے کاٹا تھا کہ اس مندر کے سات چکر لگا لو پھر اندر جاکر اپنے خدا سے دعا مانگ لو، تو جب وہ آدمی اندر گیا تو وہاں ایک مورت رکھی ہوئی تھی تو انھوں نے اس مورت کے سامنے اللہ سے دعا مانگی چکر لگانے اور مورت کے سامنے دعا کی صورت میں اس کو ناگواری تھی، اس کے بعد جب وہ گھر آئے تو توبہ استغفار بھی بہت کیا، شہادتین بھی پڑھا؛ لیکن اب وہ بہت پریشان ہیں کہ یہ کیسا عمل سرزد ہو گیا ہے۔ اور ان کی شادی کے بھی تین سال ہوگئے ہیں،

لھذا قرآن و حدیث کی صورت میں بتائی‍ں کہ موجودہ آدمی کے ایمان پر کچھ فرق پڑا یا نہیں؟ نیز یہ بھی بتائیں تجدید نکاح کا حکم ہوگا یا نہیں؟بینوا توجروا۔

المستفتی: محمد نفیس حلیمی مقیم سعودی عرب۔

الجواب باسم الملھم للصدق والصواب:

 مندر اور مورت کا چکر لگانا کفریہ اور شرکیہ عمل ہے، لیکن چونکہ مذکورہ شخص نے جہالت کی وجہ سے ایسا کیا ہے اس لئے اس پر کفر کا حکم تو نہیں لگایا جائے گا لیکن پھر بھی خوب توبہ واستغفار کرنا چاہئے۔