Blog

(سلسلہ نمبر: 780)

 ملازمت باقی رکھنے کے لئے رشوت دینا

سوال: حضرات مفتيان کرام سے گزارش ہےکہ زید ایک ٹھیکہ دار کے ساتھ کام کر رہا ہے جب تنخواہ آگئی تو بولا کہ آئندہ تنخواہ سے اگر دو سو ریال (بطور رشوت) دینے پر اتفاق کرو تو نوکری پر رکھونگا ورنہ نہیں ، زید اس کو رشوت سمجھ کر نوکری کو بر قرار رکھنے کی ھمت نہیں کر پا رہا ہے اور اک خاص بات یہ ہے کہ یہاں تنخواہ وقت پر مل جاتی ہے اور بہت مقروض بھی ہے۔ اور دوسری جگہ پر تنخواہ وقت پر ملنے کی امید کم ہی ہے۔ کیا زید کا اس جگہ اتفاق کرکے نوکری کرنا جائز ہوگا یا گناہ گار ہوگا۔

الجواب باسم الملہم للصدق والصواب: رشوت لینے اور دینے والے پر حضورِ اکرم صلی اللہ علیہ وسلم نے لعنت فرمائی ہے، چناں چہ رشوت لینا اور دینا دونوں ناجائز ہیں، اس لیے حتی الامکان رشوت دینے سے بچنا بھی واجب ہے مگر اپنے جائز حقوق کے حصول کے لئے مجبوراً رشوت دینے سے آدمی گناہ گار نہیں ہوگا لیکن ساتھ ساتھ وہ کوئی ایسی جگہ کی بھی تلاش کرتا رہے جہاں رشوت نہ لی جاتی ہو۔

نوٹ:  ٹھیکیدار کو یہ بات بتائے کہ رشوت لینے دینے والے پر حضور پاک صلی اللہ علیہ وسلم نے لعنت فرمائی ہے۔